આ પાનું પ્રમાણિત થઈ ગયું છે.
સૃષ્ટિસમ્રાટ
૦ રાગ-સોરઠ ૦
વિરમે તિમિર ભરી ભય રાત,
ઊતરે ઉષા ચુમિત પ્રભાત—વિરમે.
મોહ સુષુપ્તિ પ્રમાદ ભર્યાં મન
નવજીવનમાં કરે નિમજ્જન;
બલ સૌન્દર્ય સમાધિ વિરાજન
ઝીલે દિવ્ય પ્રતાપ—વિરમે.
નયન તૃપ્ત ઉષ્મા વિચી ઝીલી,
આત્મકમલ ઊઘડ્યું પૂર ખીલી;
બંસી અનાહત રસીલી ગુંજે
શબ્દબ્રહ્મ તણી વાત—વિરમે.
કામ ક્રોધ ભય લોભ વિલાતાં;
અભય અખંડાનંદે ગાતાં
દિન નિશ રસમસ્તીમાં ન્હાતાં
શમી ગયા ઉત્પાત—વિરમે.
સવિતુ પ્રભુનાં ભર્ગ વરેણ્યં
મંગલમય વેરંતા કુમકુમ,
જ્યોતિ ઝબકે ઝગમગ અનુપમ
અનવધિ રસસંપાત !—વિરમે.
૧૪૬ : નિહારિકા
