આ પાનું પ્રમાણિત થઈ ગયું છે.
84
નિરંજન
વગોવાય તોયે
વિમલતા ભરેલી!
હૃદય-પોયણામાં
સદાયે સૂતેલી!
તૂટેલી વીણાનાં
રુદન-ગાન ગાઓ
ન જાઓ!
ન જાઓ!
મિનારા પર એ સૂરોની ઝાલર બજતી હતી. સાર્જન્ટ નિરંજનનો હાથ પકડી નીચે ઘસડી જતો હતો.
ને સાર્જન્ટ જોયું કે હોસ્ટેલનો પ્રાણ સળવળી ઊઠ્યો છે. યુવાનો દોટમદોટ ચાલ્યા આવે છે.
સાર્જન્ટે મોટું જૂથ જોયું. જાડા જણ ભાળીને ગોધો વધુ વીફરે છે. એનો હાથ રિવોલ્વર પર ગયો ને એણે ડણક દીધી: “ચાલ્યા જાઓ."
ગાનધ્વનિ ચાલુ હતા:
ન જાઓ!
ન જાઓ!
- ચિરંતન કુમારી૦
'ચાલ્યા જાઓ'અને 'ન જાઓ' એ બે સ્વરો વચ્ચેની પસંદગી યુગયુગોથી થયા કરી છે. એ પસંદગીના મામલા પર કાયરો પણ વીર બને છે.
એકેય જુવાન ન ખસ્યો. સર્વે મળીને મિનારા પરના ગાનની ધૂન ઝીલવા લાગ્યા:
ચિરંતન કુમારી!
ન જાઓ!
ન જાઓ
નિરંજન મહેનત કરીને ઊઠતો હતો. પાછો લથડિયું ખાઈને