આ પાનું પ્રમાણિત થઈ ગયું છે.
૨
કેશભાર ઘનશ્યામળ છૂટો વીંટી વળ્યો મુખચંદ,
નયને ઊંચા વ્યોમ વિશે કંઈ વાંચે ઊંડા મન્ત્ર,
મન્દ રમતું સ્મિત અધરે. ૫
વીણાતન્ત્રી વિશે રમંતી અંગુલિયો સપ્રેમ,
હિમગિરિવનનાં દેવદારુમાં કિરણો નચવે જેમ
વ્યોમ ઠરી પેલી ચંદા. ૬
તોય શ્રવણ મુજ પડે નહિં એ વીણાનાદ અનન્ત,
દિવ્યકન્યકાગાનણા સુર તે પણ સુણું નવ મન્દ,
ચન્દમાં લય એ પામે. ૭
કવિતદેવી એ સલીલ ઊભી ગાનવાદ્યમાં લીન,
વ્યોમથકી નવ નયન ખશેડે-એ દર્શન હું નવીન
દીન બની ઊભો નિરખું. ૮
(ખંડહરીગીત.)
ક્ષણ પછી જો ! આદરે
નૃત્યલીલા સુન્દરી,
ને શ્રવણું મુજ ત્યહાં પડે
વાજંતી નૂપુરઘૂઘરી. ૯
કન્યકાના ગાનથી,
ગૂઢ વીણાનાદથી,
અમૃતબિન્દું કંઇ ઝરે
તે કનકકિંકિણી ઝીલતી. ૧૦
