આ પાનાનું પ્રુફરીડિંગ થઈ ગયું છે
૧૩
મ્હારાં રમકડાં.
(ખંડહરિગીત.)
પ્રકૃતિ કેરાં ચુમ્બને
જાગિયો હું જે સમે,
રમકડાં કંઇ અવનવાં
આપ્યાં મ્હને એ માડિયે. ૧
ગગનકેરે આંગણે
રમકડાં કોડે રમુ;
બાલ્ય મુજ એ પેર મ્હેં
આનન્દરસમાં નિર્ગમ્યું. ૨
રજનિપટ લટકાવિયા
રજતતારક ફેરવું;
ચન્દ્રગાળો કારમો
મુજ અંગુલીપર ઠેરવું. ૩
માત અદ્ભુત કળવડે
દાબી ફુલવે ગોળ એ;
શક્તિ હેની મેળવું,
મનમાં ઊંડો મુજ કોડ એ. ૪
સરિત સંધ્યાકેરીમાં
મેઘવાળુમાં રમું;