પૃષ્ઠ:Ramcharit Manas in Gujarati.pdf/૧૦૧

૧૦૧

૧૦૧

શ્રી રામ ચરિત માનસ

---

સખીં કહહિં પ્રભુપદ ગહુ સીતા। કરતિ ન ચરન પરસ અતિ ભીતા ॥
દો. ગૌતમ તિય ગતિ સુરતિ કરિ નહિં પરસતિ પગ પાનિ।
મન બિહસે રઘુબંસમનિ પ્રીતિ અલૌકિક જાનિ ॥ ૨૬૫ ॥

તબ સિય દેખિ ભૂપ અભિલાષે। કૂર કપૂત મૂઢ़ મન માખે ॥
ઉઠિ ઉઠિ પહિરિ સનાહ અભાગે। જહઁ તહઁ ગાલ બજાવન લાગે ॥
લેહુ છડ़ાઇ સીય કહ કોઊ। ધરિ બાઁધહુ નૃપ બાલક દોઊ ॥
તોરેં ધનુષુ ચાડ़ નહિં સરઈ। જીવત હમહિ કુઅઁરિ કો બરઈ ॥
જૌં બિદેહુ કછુ કરૈ સહાઈ। જીતહુ સમર સહિત દોઉ ભાઈ ॥
સાધુ ભૂપ બોલે સુનિ બાની। રાજસમાજહિ લાજ લજાની ॥
બલુ પ્રતાપુ બીરતા બડ़ાઈ। નાક પિનાકહિ સંગ સિધાઈ ॥
સોઇ સૂરતા કિ અબ કહુઁ પાઈ। અસિ બુધિ તૌ બિધિ મુહઁ મસિ લાઈ ॥
દો. દેખહુ રામહિ નયન ભરિ તજિ ઇરિષા મદુ કોહુ ।
લખન રોષુ પાવકુ પ્રબલ જાનિ સલભ જનિ હોહુ ॥ ૨૬૬ ॥

બૈનતેય બલિ જિમિ ચહ કાગૂ। જિમિ સસુ ચહૈ નાગ અરિ ભાગૂ ॥
જિમિ ચહ કુસલ અકારન કોહી। સબ સંપદા ચહૈ સિવદ્રોહી ॥
લોભી લોલુપ કલ કીરતિ ચહઈ। અકલંકતા કિ કામી લહઈ ॥
હરિ પદ બિમુખ પરમ ગતિ ચાહા। તસ તુમ્હાર લાલચુ નરનાહા ॥
કોલાહલુ સુનિ સીય સકાની। સખીં લવાઇ ગઈં જહઁ રાની ॥
રામુ સુભાયઁ ચલે ગુરુ પાહીં। સિય સનેહુ બરનત મન માહીં ॥
રાનિન્હ સહિત સોચબસ સીયા। અબ ધૌં બિધિહિ કાહ કરનીયા ॥
ભૂપ બચન સુનિ ઇત ઉત તકહીં। લખનુ રામ ડર બોલિ ન સકહીં ॥
દો. અરુન નયન ભૃકુટી કુટિલ ચિતવત નૃપન્હ સકોપ।
મનહુઁ મત્ત ગજગન નિરખિ સિંઘકિસોરહિ ચોપ ॥ ૨૬૭ ॥

ખરભરુ દેખિ બિકલ પુર નારીં। સબ મિલિ દેહિં મહીપન્હ ગારીં ॥
તેહિં અવસર સુનિ સિવ ધનુ ભંગા। આયસુ ભૃગુકુલ કમલ પતંગા ॥
દેખિ મહીપ સકલ સકુચાને। બાજ ઝપટ જનુ લવા લુકાને ॥
ગૌરિ સરીર ભૂતિ ભલ ભ્રાજા। ભાલ બિસાલ ત્રિપુંડ બિરાજા ॥
સીસ જટા સસિબદનુ સુહાવા। રિસબસ કછુક અરુન હોઇ આવા ॥
ભૃકુટી કુટિલ નયન રિસ રાતે। સહજહુઁ ચિતવત મનહુઁ રિસાતે ॥
બૃષભ કંધ ઉર બાહુ બિસાલા। ચારુ જનેઉ માલ મૃગછાલા ॥