કટિ મુનિ બસન તૂન દુઇ બાઁધેં। ધનુ સર કર કુઠારુ કલ કાઁધેં ॥
દો. સાંત બેષુ કરની કઠિન બરનિ ન જાઇ સરુપ।
ધરિ મુનિતનુ જનુ બીર રસુ આયઉ જહઁ સબ ભૂપ ॥ ૨૬૮ ॥
દેખત ભૃગુપતિ બેષુ કરાલા। ઉઠે સકલ ભય બિકલ ભુઆલા ॥
પિતુ સમેત કહિ કહિ નિજ નામા। લગે કરન સબ દંડ પ્રનામા ॥
જેહિ સુભાયઁ ચિતવહિં હિતુ જાની। સો જાનઇ જનુ આઇ ખુટાની ॥
જનક બહોરિ આઇ સિરુ નાવા। સીય બોલાઇ પ્રનામુ કરાવા ॥
આસિષ દીન્હિ સખીં હરષાનીં। નિજ સમાજ લૈ ગઈ સયાનીં ॥
બિસ્વામિત્રુ મિલે પુનિ આઈ। પદ સરોજ મેલે દોઉ ભાઈ ॥
રામુ લખનુ દસરથ કે ઢોટા। દીન્હિ અસીસ દેખિ ભલ જોટા ॥
રામહિ ચિતઇ રહે થકિ લોચન। રૂપ અપાર માર મદ મોચન ॥
દો. બહુરિ બિલોકિ બિદેહ સન કહહુ કાહ અતિ ભીર ॥
પૂછત જાનિ અજાન જિમિ બ્યાપેઉ કોપુ સરીર ॥ ૨૬૯ ॥
સમાચાર કહિ જનક સુનાએ। જેહિ કારન મહીપ સબ આએ ॥
સુનત બચન ફિરિ અનત નિહારે। દેખે ચાપખંડ મહિ ડારે ॥
અતિ રિસ બોલે બચન કઠોરા। કહુ જડ़ જનક ધનુષ કૈ તોરા ॥
બેગિ દેખાઉ મૂઢ़ ન ત આજૂ । ઉલટઉઁ મહિ જહઁ લહિ તવ રાજૂ ॥
અતિ ડરુ ઉતરુ દેત નૃપુ નાહીં। કુટિલ ભૂપ હરષે મન માહીં ॥
સુર મુનિ નાગ નગર નર નારી ॥ સોચહિં સકલ ત્રાસ ઉર ભારી ॥
મન પછિતાતિ સીય મહતારી। બિધિ અબ સઁવરી બાત બિગારી ॥
ભૃગુપતિ કર સુભાઉ સુનિ સીતા। અરધ નિમેષ કલપ સમ બીતા ॥
દો. સભય બિલોકે લોગ સબ જાનિ જાનકી ભીરુ।
હૃદયઁ ન હરષુ બિષાદુ કછુ બોલે શ્રીરઘુબીરુ ॥ ૨૭૦ ॥
માસપારાયણ, નવાઁ વિશ્રામ
નાથ સંભુધનુ ભંજનિહારા। હોઇહિ કેઉ એક દાસ તુમ્હારા ॥
આયસુ કાહ કહિઅ કિન મોહી। સુનિ રિસાઇ બોલે મુનિ કોહી ॥
સેવકુ સો જો કરૈ સેવકાઈ। અરિ કરની કરિ કરિઅ લરાઈ ॥
સુનહુ રામ જેહિં સિવધનુ તોરા। સહસબાહુ સમ સો રિપુ મોરા ॥
સો બિલગાઉ બિહાઇ સમાજા। ન ત મારે જૈહહિં સબ રાજા ॥
સુનિ મુનિ બચન લખન મુસુકાને। બોલે પરસુધરહિ અપમાને ॥
