પૃષ્ઠ:Ramcharit Manas in Gujarati.pdf/૧૦૫

૧૦૫

૧૦૫

શ્રી રામ ચરિત માનસ

---

ગૌર સરીર સ્યામ મન માહીં। કાલકૂટમુખ પયમુખ નાહીં ॥
સહજ ટેઢ़ અનુહરઇ ન તોહી। નીચુ મીચુ સમ દેખ ન મૌહીં ॥
દો. લખન કહેઉ હઁસિ સુનહુ મુનિ ક્રોધુ પાપ કર મૂલ।
જેહિ બસ જન અનુચિત કરહિં ચરહિં બિસ્વ પ્રતિકૂલ ॥ ૨૭૭ ॥

મૈં તુમ્હાર અનુચર મુનિરાયા। પરિહરિ કોપુ કરિઅ અબ દાયા ॥
ટૂટ ચાપ નહિં જુરહિ રિસાને। બૈઠિઅ હોઇહિં પાય પિરાને ॥
જૌ અતિ પ્રિય તૌ કરિઅ ઉપાઈ। જોરિઅ કોઉ બડ़ ગુની બોલાઈ ॥
બોલત લખનહિં જનકુ ડેરાહીં। મષ્ટ કરહુ અનુચિત ભલ નાહીં ॥
થર થર કાપહિં પુર નર નારી। છોટ કુમાર ખોટ બડ़ ભારી ॥
ભૃગુપતિ સુનિ સુનિ નિરભય બાની। રિસ તન જરઇ હોઇ બલ હાની ॥
બોલે રામહિ દેઇ નિહોરા। બચઉઁ બિચારિ બંધુ લઘુ તોરા ॥
મનુ મલીન તનુ સુંદર કૈસેં। બિષ રસ ભરા કનક ઘટુ જૈસૈં ॥
દો. સુનિ લછિમન બિહસે બહુરિ નયન તરેરે રામ।
ગુર સમીપ ગવને સકુચિ પરિહરિ બાની બામ ॥ ૨૭૮ ॥

અતિ બિનીત મૃદુ સીતલ બાની। બોલે રામુ જોરિ જુગ પાની ॥
સુનહુ નાથ તુમ્હ સહજ સુજાના। બાલક બચનુ કરિઅ નહિં કાના ॥
બરરૈ બાલક એકુ સુભાઊ। ઇન્હહિ ન સંત બિદૂષહિં કાઊ ॥
તેહિં નાહીં કછુ કાજ બિગારા। અપરાધી મેં નાથ તુમ્હારા ॥
કૃપા કોપુ બધુ બઁધબ ગોસાઈં । મો પર કરિઅ દાસ કી નાઈ ॥
કહિઅ બેગિ જેહિ બિધિ રિસ જાઈ। મુનિનાયક સોઇ કરૌં ઉપાઈ ॥
કહ મુનિ રામ જાઇ રિસ કૈસેં। અજહુઁ અનુજ તવ ચિતવ અનૈસેં ॥
એહિ કે કંઠ કુઠારુ ન દીન્હા। તૌ મૈં કાહ કોપુ કરિ કીન્હા ॥
દો. ગર્ભ સ્ત્રવહિં અવનિપ રવનિ સુનિ કુઠાર ગતિ ઘોર।
પરસુ અછત દેખઉઁ જિઅત બૈરી ભૂપકિસોર ॥ ૨૭૯ ॥

બહઇ ન હાથુ દહઇ રિસ છાતી। ભા કુઠારુ કુંઠિત નૃપઘાતી ॥
ભયઉ બામ બિધિ ફિરેઉ સુભાઊ। મોરે હૃદયઁ કૃપા કસિ કાઊ ॥
આજુ દયા દુખુ દુસહ સહાવા। સુનિ સૌમિત્ર બિહસિ સિરુ નાવા ॥
બાઉ કૃપા મૂરતિ અનુકૂલા। બોલત બચન ઝરત જનુ ફૂલા ॥
જૌં પૈ કૃપાઁ જરિહિં મુનિ ગાતા। ક્રોધ ભએઁ તનુ રાખ બિધાતા ॥
દેખુ જનક હઠિ બાલક એહૂ। કીન્હ ચહત જડ़ જમપુર ગેહૂ ॥