પૃષ્ઠ:Ramcharit Manas in Gujarati.pdf/૧૦૯

૧૦૯

૧૦૯

શ્રી રામ ચરિત માનસ

---

જો સંપદા નીચ ગૃહ સોહા। સો બિલોકિ સુરનાયક મોહા ॥

દો. બસઇ નગર જેહિ લચ્છ કરિ કપટ નારિ બર બેષુ ॥
તેહિ પુર કૈ સોભા કહત સકુચહિં સારદ સેષુ ॥ ૨૮૯ ॥

પહુઁચે દૂત રામ પુર પાવન। હરષે નગર બિલોકિ સુહાવન ॥
ભૂપ દ્વાર તિન્હ ખબરિ જનાઈ। દસરથ નૃપ સુનિ લિએ બોલાઈ ॥
કરિ પ્રનામુ તિન્હ પાતી દીન્હી। મુદિત મહીપ આપુ ઉઠિ લીન્હી ॥
બારિ બિલોચન બાચત પાઁતી। પુલક ગાત આઈ ભરિ છાતી ॥
રામુ લખનુ ઉર કર બર ચીઠી। રહિ ગએ કહત ન ખાટી મીઠી ॥
પુનિ ધરિ ધીર પત્રિકા બાઁચી। હરષી સભા બાત સુનિ સાઁચી ॥
ખેલત રહે તહાઁ સુધિ પાઈ। આએ ભરતુ સહિત હિત ભાઈ ॥
પૂછત અતિ સનેહઁ સકુચાઈ। તાત કહાઁ તેં પાતી આઈ ॥
દો. કુસલ પ્રાનપ્રિય બંધુ દોઉ અહહિં કહહુ કેહિં દેસ।
સુનિ સનેહ સાને બચન બાચી બહુરિ નરેસ ॥ ૨૯૦ ॥

સુનિ પાતી પુલકે દોઉ ભ્રાતા। અધિક સનેહુ સમાત ન ગાતા ॥
પ્રીતિ પુનીત ભરત કૈ દેખી। સકલ સભાઁ સુખુ લહેઉ બિસેષી ॥
તબ નૃપ દૂત નિકટ બૈઠારે। મધુર મનોહર બચન ઉચારે ॥
ભૈયા કહહુ કુસલ દોઉ બારે। તુમ્હ નીકેં નિજ નયન નિહારે ॥
સ્યામલ ગૌર ધરેં ધનુ ભાથા। બય કિસોર કૌસિક મુનિ સાથા ॥
પહિચાનહુ તુમ્હ કહહુ સુભાઊ। પ્રેમ બિબસ પુનિ પુનિ કહ રાઊ ॥
જા દિન તેં મુનિ ગએ લવાઈ। તબ તેં આજુ સાઁચિ સુધિ પાઈ ॥
કહહુ બિદેહ કવન બિધિ જાને। સુનિ પ્રિય બચન દૂત મુસકાને ॥
દો. સુનહુ મહીપતિ મુકુટ મનિ તુમ્હ સમ ધન્ય ન કોઉ।
રામુ લખનુ જિન્હ કે તનય બિસ્વ બિભૂષન દોઉ ॥ ૨૯૧ ॥

પૂછન જોગુ ન તનય તુમ્હારે। પુરુષસિંઘ તિહુ પુર ઉજિઆરે ॥
જિન્હ કે જસ પ્રતાપ કેં આગે। સસિ મલીન રબિ સીતલ લાગે ॥
તિન્હ કહઁ કહિઅ નાથ કિમિ ચીન્હે। દેખિઅ રબિ કિ દીપ કર લીન્હે ॥
સીય સ્વયંબર ભૂપ અનેકા। સમિટે સુભટ એક તેં એકા ॥
સંભુ સરાસનુ કાહુઁ ન ટારા। હારે સકલ બીર બરિઆરા ॥
તીનિ લોક મહઁ જે ભટમાની। સભ કૈ સકતિ સંભુ ધનુ ભાની ॥
સકઇ ઉઠાઇ સરાસુર મેરૂ। સોઉ હિયઁ હારિ ગયઉ કરિ ફેરૂ ॥