પૃષ્ઠ:Ramcharit Manas in Gujarati.pdf/૧૨૧

૧૨૧

૧૨૧

શ્રી રામ ચરિત માનસ

---

છં . ચલિ લ્યાઇ સીતહિ સખીં સાદર સજિ સુમંગલ ભામિનીં।
નવસપ્ત સાજેં સુંદરી સબ મત્ત કુંજર ગામિનીં ॥
કલ ગાન સુનિ મુનિ ધ્યાન ત્યાગહિં કામ કોકિલ લાજહીં।
મંજીર નૂપુર કલિત કંકન તાલ ગતી બર બાજહીં ॥
દો. સોહતિ બનિતા બૃંદ મહુઁ સહજ સુહાવનિ સીય।
છબિ લલના ગન મધ્ય જનુ સુષમા તિય કમનીય ॥ ૩૨૨ ॥

સિય સુંદરતા બરનિ ન જાઈ। લઘુ મતિ બહુત મનોહરતાઈ ॥
આવત દીખિ બરાતિન્હ સીતા ॥ રૂપ રાસિ સબ ભાઁતિ પુનીતા ॥
સબહિ મનહિં મન કિએ પ્રનામા। દેખિ રામ ભએ પૂરનકામા ॥
હરષે દસરથ સુતન્હ સમેતા। કહિ ન જાઇ ઉર આનઁદુ જેતા ॥
સુર પ્રનામુ કરિ બરસહિં ફૂલા। મુનિ અસીસ ધુનિ મંગલ મૂલા ॥
ગાન નિસાન કોલાહલુ ભારી। પ્રેમ પ્રમોદ મગન નર નારી ॥
એહિ બિધિ સીય મંડપહિં આઈ। પ્રમુદિત સાંતિ પઢ़હિં મુનિરાઈ ॥
તેહિ અવસર કર બિધિ બ્યવહારૂ। દુહુઁ કુલગુર સબ કીન્હ અચારૂ ॥
છં . આચારુ કરિ ગુર ગૌરિ ગનપતિ મુદિત બિપ્ર પુજાવહીં।
સુર પ્રગટિ પૂજા લેહિં દેહિં અસીસ અતિ સુખુ પાવહીં ॥
મધુપર્ક મંગલ દ્રબ્ય જો જેહિ સમય મુનિ મન મહુઁ ચહૈં।
ભરે કનક કોપર કલસ સો સબ લિએહિં પરિચારક રહૈં ॥ ૧ ॥
કુલ રીતિ પ્રીતિ સમેત રબિ કહિ દેત સબુ સાદર કિયો।
એહિ ભાઁતિ દેવ પુજાઇ સીતહિ સુભગ સિંઘાસનુ દિયો ॥
સિય રામ અવલોકનિ પરસપર પ્રેમ કાહુ ન લખિ પરૈ ॥

મન બુદ્ધિ બર બાની અગોચર પ્રગટ કબિ કૈસેં કરૈ ॥ ૨ ॥

દો. હોમ સમય તનુ ધરિ અનલુ અતિ સુખ આહુતિ લેહિં ।
બિપ્ર બેષ ધરિ બેદ સબ કહિ બિબાહ બિધિ દેહિં ॥ ૩૨૩ ॥

જનક પાટમહિષી જગ જાની। સીય માતુ કિમિ જાઇ બખાની ॥
સુજસુ સુકૃત સુખ સુદંરતાઈ। સબ સમેટિ બિધિ રચી બનાઈ ॥
સમઉ જાનિ મુનિબરન્હ બોલાઈ। સુનત સુઆસિનિ સાદર લ્યાઈ ॥
જનક બામ દિસિ સોહ સુનયના। હિમગિરિ સંગ બનિ જનુ મયના ॥
કનક કલસ મનિ કોપર રૂરે। સુચિ સુંગધ મંગલ જલ પૂરે ॥