પૃષ્ઠ:Ramcharit Manas in Gujarati.pdf/૧૨૮

૧૨૮

૧૨૮

શ્રી રામ ચરિત માનસ

---

નિરખિ રામ સોભા ઉર ધરહૂ । નિજ મન ફનિ મૂરતિ મનિ કરહૂ ॥
એહિ બિધિ સબહિ નયન ફલુ દેતા। ગએ કુઅઁર સબ રાજ નિકેતા ॥
દો. રૂપ સિંધુ સબ બંધુ લખિ હરષિ ઉઠા રનિવાસુ।
કરહિ નિછાવરિ આરતી મહા મુદિત મન સાસુ ॥ ૩૩૫ ॥

દેખિ રામ છબિ અતિ અનુરાગીં। પ્રેમબિબસ પુનિ પુનિ પદ લાગીં ॥
રહી ન લાજ પ્રીતિ ઉર છાઈ। સહજ સનેહુ બરનિ કિમિ જાઈ ॥
ભાઇન્હ સહિત ઉબટિ અન્હવાએ। છરસ અસન અતિ હેતુ જેવાઁએ ॥
બોલે રામુ સુઅવસરુ જાની। સીલ સનેહ સકુચમય બાની ॥
રાઉ અવધપુર ચહત સિધાએ। બિદા હોન હમ ઇહાઁ પઠાએ ॥
માતુ મુદિત મન આયસુ દેહૂ। બાલક જાનિ કરબ નિત નેહૂ ॥
સુનત બચન બિલખેઉ રનિવાસૂ। બોલિ ન સકહિં પ્રેમબસ સાસૂ ॥
હૃદયઁ લગાઇ કુઅઁરિ સબ લીન્હી। પતિન્હ સૌંપિ બિનતી અતિ કીન્હી ॥
છં . કરિ બિનય સિય રામહિ સમરપી જોરિ કર પુનિ પુનિ કહૈ।
બલિ જાઁઉ તાત સુજાન તુમ્હ કહુઁ બિદિત ગતિ સબ કી અહૈ ॥
પરિવાર પુરજન મોહિ રાજહિ પ્રાનપ્રિય સિય જાનિબી।
તુલસીસ સીલુ સનેહુ લખિ નિજ કિંકરી કરિ માનિબી ॥
સો. તુમ્હ પરિપૂરન કામ જાન સિરોમનિ ભાવપ્રિય।
જન ગુન ગાહક રામ દોષ દલન કરુનાયતન ॥ ૩૩૬ ॥

અસ કહિ રહી ચરન ગહિ રાની। પ્રેમ પંક જનુ ગિરા સમાની ॥
સુનિ સનેહસાની બર બાની। બહુબિધિ રામ સાસુ સનમાની ॥
રામ બિદા માગત કર જોરી। કીન્હ પ્રનામુ બહોરિ બહોરી ॥
પાઇ અસીસ બહુરિ સિરુ નાઈ। ભાઇન્હ સહિત ચલે રઘુરાઈ ॥
મંજુ મધુર મૂરતિ ઉર આની। ભઈ સનેહ સિથિલ સબ રાની ॥
પુનિ ધીરજુ ધરિ કુઅઁરિ હઁકારી। બાર બાર ભેટહિં મહતારીં ॥
પહુઁચાવહિં ફિરિ મિલહિં બહોરી। બઢ़ી પરસ્પર પ્રીતિ ન થોરી ॥
પુનિ પુનિ મિલત સખિન્હ બિલગાઈ। બાલ બચ્છ જિમિ ધેનુ લવાઈ ॥
દો. પ્રેમબિબસ નર નારિ સબ સખિન્હ સહિત રનિવાસુ।
માનહુઁ કીન્હ બિદેહપુર કરુનાઁ બિરહઁ નિવાસુ ॥ ૩૩૭ ॥

સુક સારિકા જાનકી જ્યાએ। કનક પિંજરન્હિ રાખિ પઢ़ાએ ॥
બ્યાકુલ કહહિં કહાઁ બૈદેહી। સુનિ ધીરજુ પરિહરઇ ન કેહી ॥