પૃષ્ઠ:Ramcharit Manas in Gujarati.pdf/૧૩

રામ ભગત જગ ચારિ પ્રકારા। સુકૃતી ચારિઉ અનઘ ઉદારા ॥
ચહૂ ચતુર કહુઁ નામ અધારા। ગ્યાની પ્રભુહિ બિસેષિ પિઆરા ॥
ચહુઁ જુગ ચહુઁ શ્રુતિ ના પ્રભાઊ। કલિ બિસેષિ નહિં આન ઉપાઊ ॥
દો. સકલ કામના હીન જે રામ ભગતિ રસ લીન।
નામ સુપ્રેમ પિયૂષ હદ તિન્હહુઁ કિએ મન મીન ॥ ૨૨ ॥

અગુન સગુન દુઇ બ્રહ્મ સરૂપા। અકથ અગાધ અનાદિ અનૂપા ॥
મોરેં મત બડ़ નામુ દુહૂ તેં। કિએ જેહિં જુગ નિજ બસ નિજ બૂતેં ॥
પ્રોઢ़િ સુજન જનિ જાનહિં જન કી। કહઉઁ પ્રતીતિ પ્રીતિ રુચિ મન કી ॥
એકુ દારુગત દેખિઅ એકૂ। પાવક સમ જુગ બ્રહ્મ બિબેકૂ ॥
ઉભય અગમ જુગ સુગમ નામ તેં। કહેઉઁ નામુ બડ़ બ્રહ્મ રામ તેં ॥
બ્યાપકુ એકુ બ્રહ્મ અબિનાસી। સત ચેતન ધન આનઁદ રાસી ॥
અસ પ્રભુ હૃદયઁ અછત અબિકારી। સકલ જીવ જગ દીન દુખારી ॥
નામ નિરૂપન નામ જતન તેં। સોઉ પ્રગટત જિમિ મોલ રતન તેં ॥
દો. નિરગુન તેં એહિ ભાઁતિ બડ़ નામ પ્રભાઉ અપાર।
કહઉઁ નામુ બડ़ રામ તેં નિજ બિચાર અનુસાર ॥ ૨૩ ॥

રામ ભગત હિત નર તનુ ધારી। સહિ સંકટ કિએ સાધુ સુખારી ॥
નામુ સપ્રેમ જપત અનયાસા। ભગત હોહિં મુદ મંગલ બાસા ॥
રામ એક તાપસ તિય તારી। નામ કોટિ ખલ કુમતિ સુધારી ॥
રિષિ હિત રામ સુકેતુસુતા કી। સહિત સેન સુત કીન્હ બિબાકી ॥
સહિત દોષ દુખ દાસ દુરાસા। દલઇ નામુ જિમિ રબિ નિસિ નાસા ॥
ભંજેઉ રામ આપુ ભવ ચાપૂ। ભવ ભય ભંજન નામ પ્રતાપૂ ॥
દંડક બનુ પ્રભુ કીન્હ સુહાવન। જન મન અમિત નામ કિએ પાવન ॥ ।
નિસિચર નિકર દલે રઘુનંદન। નામુ સકલ કલિ કલુષ નિકંદન ॥
દો. સબરી ગીધ સુસેવકનિ સુગતિ દીન્હિ રઘુનાથ।
નામ ઉધારે અમિત ખલ બેદ બિદિત ગુન ગાથ ॥ ૨૪ ॥

રામ સુકંઠ બિભીષન દોઊ। રાખે સરન જાન સબુ કોઊ ॥
નામ ગરીબ અનેક નેવાજે। લોક બેદ બર બિરિદ બિરાજે ॥
રામ ભાલુ કપિ કટકુ બટોરા। સેતુ હેતુ શ્રમુ કીન્હ ન થોરા ॥
નામુ લેત ભવસિંધુ સુખાહીં। કરહુ બિચારુ સુજન મન માહીં ॥
રામ સકુલ રન રાવનુ મારા। સીય સહિત નિજ પુર પગુ ધારા ॥