પૃષ્ઠ:Ramcharit Manas in Gujarati.pdf/૧૩૧

૧૩૧

૧૩૧

શ્રી રામ ચરિત માનસ

---

પુર જન આવત અકનિ બરાતા। મુદિત સકલ પુલકાવલિ ગાતા ॥
નિજ નિજ સુંદર સદન સઁવારે। હાટ બાટ ચૌહટ પુર દ્વારે ॥
ગલીં સકલ અરગજાઁ સિંચાઈ। જહઁ તહઁ ચૌકેં ચારુ પુરાઈ ॥
બના બજારુ ન જાઇ બખાના। તોરન કેતુ પતાક બિતાના ॥
સફલ પૂગફલ કદલિ રસાલા। રોપે બકુલ કદંબ તમાલા ॥
લગે સુભગ તરુ પરસત ધરની। મનિમય આલબાલ કલ કરની ॥
દો. બિબિધ ભાઁતિ મંગલ કલસ ગૃહ ગૃહ રચે સઁવારિ।
સુર બ્રહ્માદિ સિહાહિં સબ રઘુબર પુરી નિહારિ ॥ ૩૪૪ ॥

ભૂપ ભવન તેહિ અવસર સોહા। રચના દેખિ મદન મનુ મોહા ॥
મંગલ સગુન મનોહરતાઈ। રિધિ સિધિ સુખ સંપદા સુહાઈ ॥
જનુ ઉછાહ સબ સહજ સુહાએ। તનુ ધરિ ધરિ દસરથ દસરથ ગૃહઁ છાએ ॥
દેખન હેતુ રામ બૈદેહી। કહહુ લાલસા હોહિ ન કેહી ॥
જુથ જૂથ મિલિ ચલીં સુઆસિનિ। નિજ છબિ નિદરહિં મદન બિલાસનિ ॥
સકલ સુમંગલ સજેં આરતી। ગાવહિં જનુ બહુ બેષ ભારતી ॥
ભૂપતિ ભવન કોલાહલુ હોઈ। જાઇ ન બરનિ સમઉ સુખુ સોઈ ॥
કૌસલ્યાદિ રામ મહતારીં। પ્રેમ બિબસ તન દસા બિસારીં ॥
દો. દિએ દાન બિપ્રન્હ બિપુલ પૂજિ ગનેસ પુરારી।
પ્રમુદિત પરમ દરિદ્ર જનુ પાઇ પદારથ ચારિ ॥ ૩૪૫ ॥

મોદ પ્રમોદ બિબસ સબ માતા। ચલહિં ન ચરન સિથિલ ભએ ગાતા ॥
રામ દરસ હિત અતિ અનુરાગીં। પરિછનિ સાજુ સજન સબ લાગીં ॥
બિબિધ બિધાન બાજને બાજે। મંગલ મુદિત સુમિત્રાઁ સાજે ॥
હરદ દૂબ દધિ પલ્લવ ફૂલા। પાન પૂગફલ મંગલ મૂલા ॥
અચ્છત અંકુર લોચન લાજા। મંજુલ મંજરિ તુલસિ બિરાજા ॥
છુહે પુરટ ઘટ સહજ સુહાએ। મદન સકુન જનુ નીડ़ બનાએ ॥
સગુન સુંગધ ન જાહિં બખાની। મંગલ સકલ સજહિં સબ રાની ॥
રચીં આરતીં બહુત બિધાના। મુદિત કરહિં કલ મંગલ ગાના ॥
દો. કનક થાર ભરિ મંગલન્હિ કમલ કરન્હિ લિએઁ માત।
ચલીં મુદિત પરિછનિ કરન પુલક પલ્લવિત ગાત ॥ ૩૪૬ ॥

ધૂપ ધૂમ નભુ મેચક ભયઊ। સાવન ઘન ઘમંડુ જનુ ઠયઊ ॥
સુરતરુ સુમન માલ સુર બરષહિં । મનહુઁ બલાક અવલિ મનુ કરષહિં ॥