નવાન્હપારાયણ,તીસરા વિશ્રામ
ભૂપ બિલોકિ લિએ ઉર લાઈ। બૈઠૈ હરષિ રજાયસુ પાઈ ॥
દેખિ રામુ સબ સભા જુડ़ાની। લોચન લાભ અવધિ અનુમાની ॥
પુનિ બસિષ્ટુ મુનિ કૌસિક આએ। સુભગ આસનન્હિ મુનિ બૈઠાએ ॥
સુતન્હ સમેત પૂજિ પદ લાગે। નિરખિ રામુ દોઉ ગુર અનુરાગે ॥
કહહિં બસિષ્ટુ ધરમ ઇતિહાસા। સુનહિં મહીસુ સહિત રનિવાસા ॥
મુનિ મન અગમ ગાધિસુત કરની। મુદિત બસિષ્ટ બિપુલ બિધિ બરની ॥
બોલે બામદેઉ સબ સાઁચી। કીરતિ કલિત લોક તિહુઁ માચી ॥
સુનિ આનંદુ ભયઉ સબ કાહૂ । રામ લખન ઉર અધિક ઉછાહૂ ॥
દો. મંગલ મોદ ઉછાહ નિત જાહિં દિવસ એહિ ભાઁતિ।
ઉમગી અવધ અનંદ ભરિ અધિક અધિક અધિકાતિ ॥ ૩૫૯ ॥
સુદિન સોધિ કલ કંકન છૌરે। મંગલ મોદ બિનોદ ન થોરે ॥
નિત નવ સુખુ સુર દેખિ સિહાહીં। અવધ જન્મ જાચહિં બિધિ પાહીં ॥
બિસ્વામિત્રુ ચલન નિત ચહહીં। રામ સપ્રેમ બિનય બસ રહહીં ॥
દિન દિન સયગુન ભૂપતિ ભાઊ। દેખિ સરાહ મહામુનિરાઊ ॥
માગત બિદા રાઉ અનુરાગે। સુતન્હ સમેત ઠાઢ़ ભે આગે ॥
નાથ સકલ સંપદા તુમ્હારી। મૈં સેવકુ સમેત સુત નારી ॥
કરબ સદા લરિકનઃ પર છોહૂ । દરસન દેત રહબ મુનિ મોહૂ ॥
અસ કહિ રાઉ સહિત સુત રાની। પરેઉ ચરન મુખ આવ ન બાની ॥
દીન્હ અસીસ બિપ્ર બહુ ભાઁતી। ચલે ન પ્રીતિ રીતિ કહિ જાતી ॥
રામુ સપ્રેમ સંગ સબ ભાઈ। આયસુ પાઇ ફિરે પહુઁચાઈ ॥
દો. રામ રૂપુ ભૂપતિ ભગતિ બ્યાહુ ઉછાહુ અનંદુ।
જાત સરાહત મનહિં મન મુદિત ગાધિકુલચંદુ ॥ ૩૬૦ ॥
બામદેવ રઘુકુલ ગુર ગ્યાની। બહુરિ ગાધિસુત કથા બખાની ॥
સુનિ મુનિ સુજસુ મનહિં મન રાઊ। બરનત આપન પુન્ય પ્રભાઊ ॥
બહુરે લોગ રજાયસુ ભયઊ। સુતન્હ સમેત નૃપતિ ગૃહઁ ગયઊ ॥
જહઁ તહઁ રામ બ્યાહુ સબુ ગાવા। સુજસુ પુનીત લોક તિહુઁ છાવા ॥
આએ બ્યાહિ રામુ ઘર જબ તેં। બસઇ અનંદ અવધ સબ તબ તેં ॥
પ્રભુ બિબાહઁ જસ ભયઉ ઉછાહૂ । સકહિં ન બરનિ ગિરા અહિનાહૂ ॥
કબિકુલ જીવનુ પાવન જાની ॥ રામ સીય જસુ મંગલ ખાની ॥
