રાજા રામુ અવધ રજધાની। ગાવત ગુન સુર મુનિ બર બાની ॥
સેવક સુમિરત નામુ સપ્રીતી। બિનુ શ્રમ પ્રબલ મોહ દલુ જીતી ॥
ફિરત સનેહઁ મગન સુખ અપનેં। નામ પ્રસાદ સોચ નહિં સપનેં ॥
દો. બ્રહ્મ રામ તેં નામુ બડ़ બર દાયક બર દાનિ।
રામચરિત સત કોટિ મહઁ લિય મહેસ જિયઁ જાનિ ॥ ૨૫ ॥
માસપારાયણ, પહલા વિશ્રામ
નામ પ્રસાદ સંભુ અબિનાસી। સાજુ અમંગલ મંગલ રાસી ॥
સુક સનકાદિ સિદ્ધ મુનિ જોગી। નામ પ્રસાદ બ્રહ્મસુખ ભોગી ॥
નારદ જાનેઉ નામ પ્રતાપૂ। જગ પ્રિય હરિ હરિ હર પ્રિય આપૂ ॥
નામુ જપત પ્રભુ કીન્હ પ્રસાદૂ। ભગત સિરોમનિ ભે પ્રહલાદૂ ॥
ધ્રુવઁ સગલાનિ જપેઉ હરિ નાઊઁ । પાયઉ અચલ અનૂપમ ઠાઊઁ ॥
સુમિરિ પવનસુત પાવન નામૂ। અપને બસ કરિ રાખે રામૂ ॥
અપતુ અજામિલુ ગજુ ગનિકાઊ। ભએ મુકુત હરિ નામ પ્રભાઊ ॥
કહૌં કહાઁ લગિ નામ બડ़ાઈ। રામુ ન સકહિં નામ ગુન ગાઈ ॥
દો. નામુ રામ કો કલપતરુ કલિ કલ્યાન નિવાસુ।
જો સુમિરત ભયો ભાઁગ તેં તુલસી તુલસીદાસુ ॥ ૨૬ ॥
ચહુઁ જુગ તીનિ કાલ તિહુઁ લોકા। ભએ નામ જપિ જીવ બિસોકા ॥
બેદ પુરાન સંત મત એહૂ । સકલ સુકૃત ફલ રામ સનેહૂ ॥
ધ્યાનુ પ્રથમ જુગ મખબિધિ દૂજેં। દ્વાપર પરિતોષત પ્રભુ પૂજેં ॥
કલિ કેવલ મલ મૂલ મલીના। પાપ પયોનિધિ જન જન મીના ॥
નામ કામતરુ કાલ કરાલા। સુમિરત સમન સકલ જગ જાલા ॥
રામ નામ કલિ અભિમત દાતા। હિત પરલોક લોક પિતુ માતા ॥
નહિં કલિ કરમ ન ભગતિ બિબેકૂ। રામ નામ અવલંબન એકૂ ॥
કાલનેમિ કલિ કપટ નિધાનૂ। નામ સુમતિ સમરથ હનુમાનૂ ॥
દો. રામ નામ નરકેસરી કનકકસિપુ કલિકાલ।
જાપક જન પ્રહલાદ જિમિ પાલિહિ દલિ સુરસાલ ॥ ૨૭ ॥
ભાયઁ કુભાયઁ અનખ આલસહૂઁ। નામ જપત મંગલ દિસિ દસહૂઁ ॥
સુમિરિ સો નામ રામ ગુન ગાથા। કરઉઁ નાઇ રઘુનાથહિ માથા ॥
મોરિ સુધારિહિ સો સબ ભાઁતી। જાસુ કૃપા નહિં કૃપાઁ અઘાતી ॥
રામ સુસ્વામિ કુસેવકુ મોસો। નિજ દિસિ દૈખિ દયાનિધિ પોસો ॥
