પૃષ્ઠ:Ramcharit Manas in Gujarati.pdf/૨૦

સોઇ સાદર સર મજ્જનુ કરઈ। મહા ઘોર ત્રયતાપ ન જરઈ ॥
તે નર યહ સર તજહિં ન કાઊ। જિન્હ કે રામ ચરન ભલ ભાઊ ॥
જો નહાઇ ચહ એહિં સર ભાઈ। સો સતસંગ કરઉ મન લાઈ ॥
અસ માનસ માનસ ચખ ચાહી। ભઇ કબિ બુદ્ધિ બિમલ અવગાહી ॥
ભયઉ હૃદયઁ આનંદ ઉછાહૂ । ઉમગેઉ પ્રેમ પ્રમોદ પ્રબાહૂ ॥
ચલી સુભગ કબિતા સરિતા સો। રામ બિમલ જસ જલ ભરિતા સો ॥
સરજૂ નામ સુમંગલ મૂલા। લોક બેદ મત મંજુલ કૂલા ॥
નદી પુનીત સુમાનસ નંદિનિ। કલિમલ તૃન તરુ મૂલ નિકંદિનિ ॥
દો. શ્રોતા ત્રિબિધ સમાજ પુર ગ્રામ નગર દુહુઁ કૂલ।
સંતસભા અનુપમ અવધ સકલ સુમંગલ મૂલ ॥ ૩૯ ॥

રામભગતિ સુરસરિતહિ જાઈ। મિલી સુકીરતિ સરજુ સુહાઈ ॥
સાનુજ રામ સમર જસુ પાવન। મિલેઉ મહાનદુ સોન સુહાવન ॥
જુગ બિચ ભગતિ દેવધુનિ ધારા। સોહતિ સહિત સુબિરતિ બિચારા ॥
ત્રિબિધ તાપ ત્રાસક તિમુહાની। રામ સરુપ સિંધુ સમુહાની ॥
માનસ મૂલ મિલી સુરસરિહી। સુનત સુજન મન પાવન કરિહી ॥
બિચ બિચ કથા બિચિત્ર બિભાગા। જનુ સરિ તીર તીર બન બાગા ॥
ઉમા મહેસ બિબાહ બરાતી। તે જલચર અગનિત બહુભાઁતી ॥
રઘુબર જનમ અનંદ બધાઈ। ભવઁર તરંગ મનોહરતાઈ ॥
દો. બાલચરિત ચહુ બંધુ કે બનજ બિપુલ બહુરંગ।
નૃપ રાની પરિજન સુકૃત મધુકર બારિબિહંગ ॥ ૪૦ ॥

સીય સ્વયંબર કથા સુહાઈ। સરિત સુહાવનિ સો છબિ છાઈ ॥
નદી નાવ પટુ પ્રસ્ન અનેકા। કેવટ કુસલ ઉતર સબિબેકા ॥
સુનિ અનુકથન પરસ્પર હોઈ। પથિક સમાજ સોહ સરિ સોઈ ॥
ઘોર ધાર ભૃગુનાથ રિસાની। ઘાટ સુબદ્ધ રામ બર બાની ॥
સાનુજ રામ બિબાહ ઉછાહૂ । સો સુભ ઉમગ સુખદ સબ કાહૂ ॥
કહત સુનત હરષહિં પુલકાહીં। તે સુકૃતી મન મુદિત નહાહીં ॥
રામ તિલક હિત મંગલ સાજા। પરબ જોગ જનુ જુરે સમાજા ॥
કાઈ કુમતિ કેકઈ કેરી। પરી જાસુ ફલ બિપતિ ઘનેરી ॥
દો. સમન અમિત ઉતપાત સબ ભરતચરિત જપજાગ।
કલિ અઘ ખલ અવગુન કથન તે જલમલ બગ કાગ ॥ ૪૧ ॥