પૃષ્ઠ:Ramcharit Manas in Gujarati.pdf/૨૧

કીરતિ સરિત છહૂઁ રિતુ રૂરી। સમય સુહાવનિ પાવનિ ભૂરી ॥
હિમ હિમસૈલસુતા સિવ બ્યાહૂ । સિસિર સુખદ પ્રભુ જનમ ઉછાહૂ ॥
બરનબ રામ બિબાહ સમાજૂ । સો મુદ મંગલમય રિતુરાજૂ ॥
ગ્રીષમ દુસહ રામ બનગવનૂ। પંથકથા ખર આતપ પવનૂ ॥
બરષા ઘોર નિસાચર રારી। સુરકુલ સાલિ સુમંગલકારી ॥
રામ રાજ સુખ બિનય બડ़ાઈ। બિસદ સુખદ સોઇ સરદ સુહાઈ ॥
સતી સિરોમનિ સિય ગુનગાથા। સોઇ ગુન અમલ અનૂપમ પાથા ॥
ભરત સુભાઉ સુસીતલતાઈ। સદા એકરસ બરનિ ન જાઈ ॥
દો. અવલોકનિ બોલનિ મિલનિ પ્રીતિ પરસપર હાસ।
ભાયપ ભલિ ચહુ બંધુ કી જલ માધુરી સુબાસ ॥ ૪૨ ॥

આરતિ બિનય દીનતા મોરી। લઘુતા લલિત સુબારિ ન થોરી ॥
અદભુત સલિલ સુનત ગુનકારી। આસ પિઆસ મનોમલ હારી ॥
રામ સુપ્રેમહિ પોષત પાની। હરત સકલ કલિ કલુષ ગલાનૌ ॥
ભવ શ્રમ સોષક તોષક તોષા। સમન દુરિત દુખ દારિદ દોષા ॥
કામ કોહ મદ મોહ નસાવન। બિમલ બિબેક બિરાગ બઢ़ાવન ॥
સાદર મજ્જન પાન કિએ તેં। મિટહિં પાપ પરિતાપ હિએ તેં ॥
જિન્હ એહિ બારિ ન માનસ ધોએ। તે કાયર કલિકાલ બિગોએ ॥
તૃષિત નિરખિ રબિ કર ભવ બારી। ફિરિહહિ મૃગ જિમિ જીવ દુખારી ॥
દો. મતિ અનુહારિ સુબારિ ગુન ગનિ મન અન્હવાઇ।
સુમિરિ ભવાની સંકરહિ કહ કબિ કથા સુહાઇ ॥ ૪૩(ક) ॥

અબ રઘુપતિ પદ પંકરુહ હિયઁ ધરિ પાઇ પ્રસાદ ।
કહઉઁ જુગલ મુનિબર્જ કર મિલન સુભગ સંબાદ ॥ ૪૩(ખ) ॥

ભરદ્વાજ મુનિ બસહિં પ્રયાગા। તિન્હહિ રામ પદ અતિ અનુરાગા ॥
તાપસ સમ દમ દયા નિધાના। પરમારથ પથ પરમ સુજાના ॥
માઘ મકરગત રબિ જબ હોઈ। તીરથપતિહિં આવ સબ કોઈ ॥
દેવ દનુજ કિંનર નર શ્રેની। સાદર મજ્જહિં સકલ ત્રિબેનીં ॥
પૂજહિ માધવ પદ જલજાતા। પરસિ અખય બટુ હરષહિં ગાતા ॥
ભરદ્વાજ આશ્રમ અતિ પાવન। પરમ રમ્ય મુનિબર મન ભાવન ॥
તહાઁ હોઇ મુનિ રિષય સમાજા। જાહિં જે મજ્જન તીરથરાજા ॥
મજ્જહિં પ્રાત સમેત ઉછાહા। કહહિં પરસપર હરિ ગુન ગાહા ॥