પૃષ્ઠ:Ramcharit Manas in Gujarati.pdf/૨૪

તિન્હ નૃપસુતહિ નહ પરનામા। કહિ સચ્ચિદાનંદ પરધામા ॥
ભએ મગન છબિ તાસુ બિલોકી। અજહુઁ પ્રીતિ ઉર રહતિ ન રોકી ॥
દો. બ્રહ્મ જો વ્યાપક બિરજ અજ અકલ અનીહ અભેદ।
સો કિ દેહ ધરિ હોઇ નર જાહિ ન જાનત વેદ ॥ ૫૦ ॥

બિષ્નુ જો સુર હિત નરતનુ ધારી। સોઉ સર્બગ્ય જથા ત્રિપુરારી ॥
ખોજઇ સો કિ અગ્ય ઇવ નારી। ગ્યાનધામ શ્રીપતિ અસુરારી ॥
સંભુગિરા પુનિ મૃષા ન હોઈ। સિવ સર્બગ્ય જાન સબુ કોઈ ॥
અસ સંસય મન ભયઉ અપારા। હોઈ ન હૃદયઁ પ્રબોધ પ્રચારા ॥
જદ્યપિ પ્રગટ ન કહેઉ ભવાની। હર અંતરજામી સબ જાની ॥
સુનહિ સતી તવ નારિ સુભાઊ। સંસય અસ ન ધરિઅ ઉર કાઊ ॥
જાસુ કથા કુભંજ રિષિ ગાઈ। ભગતિ જાસુ મૈં મુનિહિ સુનાઈ ॥
સોઉ મમ ઇષ્ટદેવ રઘુબીરા। સેવત જાહિ સદા મુનિ ધીરા ॥
છં . મુનિ ધીર જોગી સિદ્ધ સંતત બિમલ મન જેહિ ધ્યાવહીં।
કહિ નેતિ નિગમ પુરાન આગમ જાસુ કીરતિ ગાવહીં ॥
સોઇ રામુ બ્યાપક બ્રહ્મ ભુવન નિકાય પતિ માયા ધની।
અવતરેઉ અપને ભગત હિત નિજતંત્ર નિત રઘુકુલમનિ ॥
સો. લાગ ન ઉર ઉપદેસુ જદપિ કહેઉ સિવઁ બાર બહુ।
બોલે બિહસિ મહેસુ હરિમાયા બલુ જાનિ જિયઁ ॥ ૫૧ ॥

જૌં તુમ્હરેં મન અતિ સંદેહૂ। તૌ કિન જાઇ પરીછા લેહૂ ॥
તબ લગિ બૈઠ અહઉઁ બટછાહિં । જબ લગિ તુમ્હ ઐહહુ મોહિ પાહી ॥
જૈસેં જાઇ મોહ ભ્રમ ભારી। કરેહુ સો જતનુ બિબેક બિચારી ॥
ચલીં સતી સિવ આયસુ પાઈ। કરહિં બિચારુ કરૌં કા ભાઈ ॥
ઇહાઁ સંભુ અસ મન અનુમાના। દચ્છસુતા કહુઁ નહિં કલ્યાના ॥
મોરેહુ કહેં ન સંસય જાહીં। બિધી બિપરીત ભલાઈ નાહીં ॥
હોઇહિ સોઇ જો રામ રચિ રાખા। કો કરિ તર્ક બઢાવૈ સાખા ॥
અસ કહિ લગે જપન હરિનામા। ગઈ સતી જહઁ પ્રભુ સુખધામા ॥
દો. પુનિ પુનિ હૃદયઁ વિચારુ કરિ ધરિ સીતા કર રુપ।
આગેં હોઇ ચલિ પંથ તેહિ જેહિં આવત નરભૂપ ॥ ૫૨ ॥

લછિમન દીખ ઉમાકૃત બેષા ચકિત ભએ ભ્રમ હૃદયઁ બિસેષા ॥