પૃષ્ઠ:Ramcharit Manas in Gujarati.pdf/૩

ભાષાનિબન્ધમતિમઞ્જુલમાતનોતિ ॥ ૭ ॥
સો. જો સુમિરત સિધિ હોઇ ગન નાયક કરિબર બદન।
કરઉ અનુગ્રહ સોઇ બુદ્ધિ રાસિ સુભ ગુન સદન ॥ ૧ ॥

મૂક હોઇ બાચાલ પંગુ ચઢઇ ગિરિબર ગહન।
જાસુ કૃપાઁ સો દયાલ દ્રવઉ સકલ કલિ મલ દહન ॥ ૨ ॥

નીલ સરોરુહ સ્યામ તરુન અરુન બારિજ નયન।
કરઉ સો મમ ઉર ધામ સદા છીરસાગર સયન ॥ ૩ ॥

કુંદ ઇંદુ સમ દેહ ઉમા રમન કરુના અયન।
જાહિ દીન પર નેહ કરઉ કૃપા મર્દન મયન ॥ ૪ ॥

બંદઉ ગુરુ પદ કંજ કૃપા સિંધુ નરરૂપ હરિ।
મહામોહ તમ પુંજ જાસુ બચન રબિ કર નિકર ॥ ૫ ॥

બંદઉ ગુરુ પદ પદુમ પરાગા। સુરુચિ સુબાસ સરસ અનુરાગા ॥
અમિય મૂરિમય ચૂરન ચારૂ। સમન સકલ ભવ રુજ પરિવારૂ ॥
સુકૃતિ સંભુ તન બિમલ બિભૂતી। મંજુલ મંગલ મોદ પ્રસૂતી ॥
જન મન મંજુ મુકુર મલ હરની। કિએઁ તિલક ગુન ગન બસ કરની ॥
શ્રીગુર પદ નખ મનિ ગન જોતી। સુમિરત દિબ્ય દ્રૃષ્ટિ હિયઁ હોતી ॥
દલન મોહ તમ સો સપ્રકાસૂ। બડ़ે ભાગ ઉર આવઇ જાસૂ ॥
ઉઘરહિં બિમલ બિલોચન હી કે। મિટહિં દોષ દુખ ભવ રજની કે ॥
સૂઝહિં રામ ચરિત મનિ માનિક। ગુપુત પ્રગટ જહઁ જો જેહિ ખાનિક ॥

દો. જથા સુઅંજન અંજિ દૃગ સાધક સિદ્ધ સુજાન।
કૌતુક દેખત સૈલ બન ભૂતલ ભૂરિ નિધાન ॥ ૧ ॥

ગુરુ પદ રજ મૃદુ મંજુલ અંજન। નયન અમિઅ દૃગ દોષ બિભંજન ॥
તેહિં કરિ બિમલ બિબેક બિલોચન। બરનઉઁ રામ ચરિત ભવ મોચન ॥
બંદઉઁ પ્રથમ મહીસુર ચરના। મોહ જનિત સંસય સબ હરના ॥
સુજન સમાજ સકલ ગુન ખાની। કરઉઁ પ્રનામ સપ્રેમ સુબાની ॥
સાધુ ચરિત સુભ ચરિત કપાસૂ। નિરસ બિસદ ગુનમય ફલ જાસૂ ॥
જો સહિ દુખ પરછિદ્ર દુરાવા। બંદનીય જેહિં જગ જસ પાવા ॥
મુદ મંગલમય સંત સમાજૂ । જો જગ જંગમ તીરથરાજૂ ॥
રામ ભક્તિ જહઁ સુરસરિ ધારા। સરસઇ બ્રહ્મ બિચાર પ્રચારા ॥