પૃષ્ઠ:Ramcharit Manas in Gujarati.pdf/૩૦

દો. જોગી જટિલ અકામ મન નગન અમંગલ બેષ ॥
અસ સ્વામી એહિ કહઁ મિલિહિ પરી હસ્ત અસિ રેખ ॥ ૬૭ ॥

સુનિ મુનિ ગિરા સત્ય જિયઁ જાની। દુખ દંપતિહિ ઉમા હરષાની ॥
નારદહુઁ યહ ભેદુ ન જાના। દસા એક સમુઝબ બિલગાના ॥
સકલ સખીં ગિરિજા ગિરિ મૈના। પુલક સરીર ભરે જલ નૈના ॥
હોઇ ન મૃષા દેવરિષિ ભાષા। ઉમા સો બચનુ હૃદયઁ ધરિ રાખા ॥
ઉપજેઉ સિવ પદ કમલ સનેહૂ। મિલન કઠિન મન ભા સંદેહૂ ॥
જાનિ કુઅવસરુ પ્રીતિ દુરાઈ। સખી ઉછઁગ બૈઠી પુનિ જાઈ ॥
ઝૂઠિ ન હોઇ દેવરિષિ બાની। સોચહિ દંપતિ સખીં સયાની ॥
ઉર ધરિ ધીર કહઇ ગિરિરાઊ। કહહુ નાથ કા કરિઅ ઉપાઊ ॥
દો. કહ મુનીસ હિમવંત સુનુ જો બિધિ લિખા લિલાર।
દેવ દનુજ નર નાગ મુનિ કોઉ ન મેટનિહાર ॥ ૬૮ ॥

તદપિ એક મૈં કહઉઁ ઉપાઈ। હોઇ કરૈ જૌં દૈઉ સહાઈ ॥
જસ બરુ મૈં બરનેઉઁ તુમ્હ પાહીં। મિલહિ ઉમહિ તસ સંસય નાહીં ॥
જે જે બર કે દોષ બખાને। તે સબ સિવ પહિ મૈં અનુમાને ॥
જૌં બિબાહુ સંકર સન હોઈ। દોષઉ ગુન સમ કહ સબુ કોઈ ॥
જૌં અહિ સેજ સયન હરિ કરહીં। બુધ કછુ તિન્હ કર દોષુ ન ધરહીં ॥
ભાનુ કૃસાનુ સર્બ રસ ખાહીં। તિન્હ કહઁ મંદ કહત કોઉ નાહીં ॥
સુભ અરુ અસુભ સલિલ સબ બહઈ। સુરસરિ કોઉ અપુનીત ન કહઈ ॥
સમરથ કહુઁ નહિં દોષુ ગોસાઈ। રબિ પાવક સુરસરિ કી નાઈ ॥
દો. જૌં અસ હિસિષા કરહિં નર જડ़િ બિબેક અભિમાન।
પરહિં કલપ ભરિ નરક મહુઁ જીવ કિ ઈસ સમાન ॥ ૬૯ ॥

સુરસરિ જલ કૃત બારુનિ જાના। કબહુઁ ન સંત કરહિં તેહિ પાના ॥
સુરસરિ મિલેં સો પાવન જૈસેં। ઈસ અનીસહિ અંતરુ તૈસેં ॥
સંભુ સહજ સમરથ ભગવાના। એહિ બિબાહઁ સબ બિધિ કલ્યાના ॥
દુરારાધ્ય પૈ અહહિં મહેસૂ। આસુતોષ પુનિ કિએઁ કલેસૂ ॥
જૌં તપુ કરૈ કુમારિ તુમ્હારી। ભાવિઉ મેટિ સકહિં ત્રિપુરારી ॥
જદ્યપિ બર અનેક જગ માહીં। એહિ કહઁ સિવ તજિ દૂસર નાહીં ॥
બર દાયક પ્રનતારતિ ભંજન। કૃપાસિંધુ સેવક મન રંજન ॥
ઇચ્છિત ફલ બિનુ સિવ અવરાધે। લહિઅ ન કોટિ જોગ જપ સાધેં ॥