પૃષ્ઠ:Ramcharit Manas in Gujarati.pdf/૩૧

દો. અસ કહિ નારદ સુમિરિ હરિ ગિરિજહિ દીન્હિ અસીસ।
હોઇહિ યહ કલ્યાન અબ સંસય તજહુ ગિરીસ ॥ ૭૦ ॥

કહિ અસ બ્રહ્મભવન મુનિ ગયઊ। આગિલ ચરિત સુનહુ જસ ભયઊ ॥
પતિહિ એકાંત પાઇ કહ મૈના। નાથ ન મૈં સમુઝે મુનિ બૈના ॥
જૌં ઘરુ બરુ કુલુ હોઇ અનૂપા। કરિઅ બિબાહુ સુતા અનુરુપા ॥
ન ત કન્યા બરુ રહઉ કુઆરી। કંત ઉમા મમ પ્રાનપિઆરી ॥
જૌં ન મિલહિ બરુ ગિરિજહિ જોગૂ। ગિરિ જડ़ સહજ કહિહિ સબુ લોગૂ ॥
સોઇ બિચારિ પતિ કરેહુ બિબાહૂ । જેહિં ન બહોરિ હોઇ ઉર દાહૂ ॥
અસ કહિ પરિ ચરન ધરિ સીસા। બોલે સહિત સનેહ ગિરીસા ॥
બરુ પાવક પ્રગટૈ સસિ માહીં। નારદ બચનુ અન્યથા નાહીં ॥
દો. પ્રિયા સોચુ પરિહરહુ સબુ સુમિરહુ શ્રીભગવાન।
પારબતિહિ નિરમયઉ જેહિં સોઇ કરિહિ કલ્યાન ॥ ૭૧ ॥

અબ જૌ તુમ્હહિ સુતા પર નેહૂ। તૌ અસ જાઇ સિખાવન દેહૂ ॥
કરૈ સો તપુ જેહિં મિલહિં મહેસૂ। આન ઉપાયઁ ન મિટહિ કલેસૂ ॥
નારદ બચન સગર્ભ સહેતૂ। સુંદર સબ ગુન નિધિ બૃષકેતૂ ॥
અસ બિચારિ તુમ્હ તજહુ અસંકા। સબહિ ભાઁતિ સંકરુ અકલંકા ॥
સુનિ પતિ બચન હરષિ મન માહીં। ગઈ તુરત ઉઠિ ગિરિજા પાહીં ॥
ઉમહિ બિલોકિ નયન ભરે બારી। સહિત સનેહ ગોદ બૈઠારી ॥
બારહિં બાર લેતિ ઉર લાઈ। ગદગદ કંઠ ન કછુ કહિ જાઈ ॥
જગત માતુ સર્બગ્ય ભવાની। માતુ સુખદ બોલીં મૃદુ બાની ॥
દો. સુનહિ માતુ મૈં દીખ અસ સપન સુનાવઉઁ તોહિ।
સુંદર ગૌર સુબિપ્રબર અસ ઉપદેસેઉ મોહિ ॥ ૭૨ ॥

કરહિ જાઇ તપુ સૈલકુમારી। નારદ કહા સો સત્ય બિચારી ॥
માતુ પિતહિ પુનિ યહ મત ભાવા। તપુ સુખપ્રદ દુખ દોષ નસાવા ॥
તપબલ રચઇ પ્રપંચ બિધાતા। તપબલ બિષ્નુ સકલ જગ ત્રાતા ॥
તપબલ સંભુ કરહિં સંઘારા। તપબલ સેષુ ધરઇ મહિભારા ॥
તપ અધાર સબ સૃષ્ટિ ભવાની। કરહિ જાઇ તપુ અસ જિયઁ જાની ॥
સુનત બચન બિસમિત મહતારી। સપન સુનાયઉ ગિરિહિ હઁકારી ॥
માતુ પિતુહિ બહુબિધિ સમુઝાઈ। ચલીં ઉમા તપ હિત હરષાઈ ॥
પ્રિય પરિવાર પિતા અરુ માતા। ભએ બિકલ મુખ આવ ન બાતા ॥