પૃષ્ઠ:Ramcharit Manas in Gujarati.pdf/૩૪

સહજ એકાકિન્હ કે ભવન કબહુઁ કિ નારિ ખટાહિં ॥ ૭૯ ॥

અજહૂઁ માનહુ કહા હમારા। હમ તુમ્હ કહુઁ બરુ નીક બિચારા ॥
અતિ સુંદર સુચિ સુખદ સુસીલા। ગાવહિં બેદ જાસુ જસ લીલા ॥
દૂષન રહિત સકલ ગુન રાસી। શ્રીપતિ પુર બૈકુંઠ નિવાસી ॥
અસ બરુ તુમ્હહિ મિલાઉબ આની। સુનત બિહસિ કહ બચન ભવાની ॥
સત્ય કહેહુ ગિરિભવ તનુ એહા। હઠ ન છૂટ છૂટૈ બરુ દેહા ॥
કનકઉ પુનિ પષાન તેં હોઈ। જારેહુઁ સહજુ ન પરિહર સોઈ ॥
નારદ બચન ન મૈં પરિહરઊઁ । બસઉ ભવનુ ઉજરઉ નહિં ડરઊઁ ॥
ગુર કેં બચન પ્રતીતિ ન જેહી। સપનેહુઁ સુગમ ન સુખ સિધિ તેહી ॥
દો. મહાદેવ અવગુન ભવન બિષ્નુ સકલ ગુન ધામ।
જેહિ કર મનુ રમ જાહિ સન તેહિ તેહી સન કામ ॥ ૮૦ ॥

જૌં તુમ્હ મિલતેહુ પ્રથમ મુનીસા। સુનતિઉઁ સિખ તુમ્હારિ ધરિ સીસા ॥
અબ મૈં જન્મુ સંભુ હિત હારા। કો ગુન દૂષન કરૈ બિચારા ॥
જૌં તુમ્હરે હઠ હૃદયઁ બિસેષી। રહિ ન જાઇ બિનુ કિએઁ બરેષી ॥
તૌ કૌતુકિઅન્હ આલસુ નાહીં। બર કન્યા અનેક જગ માહીં ॥
જન્મ કોટિ લગિ રગર હમારી। બરઉઁ સંભુ ન ત રહઉઁ કુઆરી ॥
તજઉઁ ન નારદ કર ઉપદેસૂ। આપુ કહહિ સત બાર મહેસૂ ॥
મૈં પા પરઉઁ કહઇ જગદંબા। તુમ્હ ગૃહ ગવનહુ ભયઉ બિલંબા ॥
દેખિ પ્રેમુ બોલે મુનિ ગ્યાની। જય જય જગદંબિકે ભવાની ॥
દો. તુમ્હ માયા ભગવાન સિવ સકલ જગત પિતુ માતુ।
નાઇ ચરન સિર મુનિ ચલે પુનિ પુનિ હરષત ગાતુ ॥ ૮૧ ॥

જાઇ મુનિન્હ હિમવંતુ પઠાએ। કરિ બિનતી ગિરજહિં ગૃહ લ્યાએ ॥
બહુરિ સપ્તરિષિ સિવ પહિં જાઈ। કથા ઉમા કૈ સકલ સુનાઈ ॥
ભએ મગન સિવ સુનત સનેહા। હરષિ સપ્તરિષિ ગવને ગેહા ॥
મનુ થિર કરિ તબ સંભુ સુજાના। લગે કરન રઘુનાયક ધ્યાના ॥
તારકુ અસુર ભયઉ તેહિ કાલા। ભુજ પ્રતાપ બલ તેજ બિસાલા ॥
તેંહિ સબ લોક લોકપતિ જીતે। ભએ દેવ સુખ સંપતિ રીતે ॥
અજર અમર સો જીતિ ન જાઈ। હારે સુર કરિ બિબિધ લરાઈ ॥
તબ બિરંચિ સન જાઇ પુકારે। દેખે બિધિ સબ દેવ દુખારે ॥
દો. સબ સન કહા બુઝાઇ બિધિ દનુજ નિધન તબ હોઇ।