પૃષ્ઠ:Ramcharit Manas in Gujarati.pdf/૩૯

મનહીં મન મહેસુ મુસુકાહીં। હરિ કે બિંગ્ય બચન નહિં જાહીં ॥
અતિ પ્રિય બચન સુનત પ્રિય કેરે। ભૃંગિહિ પ્રેરિ સકલ ગન ટેરે ॥
સિવ અનુસાસન સુનિ સબ આએ। પ્રભુ પદ જલજ સીસ તિન્હ નાએ ॥
નાના બાહન નાના બેષા। બિહસે સિવ સમાજ નિજ દેખા ॥
કોઉ મુખહીન બિપુલ મુખ કાહૂ । બિનુ પદ કર કોઉ બહુ પદ બાહૂ ॥
બિપુલ નયન કોઉ નયન બિહીના। રિષ્ટપુષ્ટ કોઉ અતિ તનખીના ॥
છં . તન ખીન કોઉ અતિ પીન પાવન કોઉ અપાવન ગતિ ધરેં।
ભૂષન કરાલ કપાલ કર સબ સદ્ય સોનિત તન ભરેં ॥
ખર સ્વાન સુઅર સૃકાલ મુખ ગન બેષ અગનિત કો ગનૈ।
બહુ જિનસ પ્રેત પિસાચ જોગિ જમાત બરનત નહિં બનૈ ॥
સો. નાચહિં ગાવહિં ગીત પરમ તરંગી ભૂત સબ।
દેખત અતિ બિપરીત બોલહિં બચન બિચિત્ર બિધિ ॥ ૯૩ ॥

જસ દૂલહુ તસિ બની બરાતા। કૌતુક બિબિધ હોહિં મગ જાતા ॥
ઇહાઁ હિમાચલ રચેઉ બિતાના। અતિ બિચિત્ર નહિં જાઇ બખાના ॥
સૈલ સકલ જહઁ લગિ જગ માહીં। લઘુ બિસાલ નહિં બરનિ સિરાહીં ॥
બન સાગર સબ નદીં તલાવા। હિમગિરિ સબ કહુઁ નેવત પઠાવા ॥
કામરૂપ સુંદર તન ધારી। સહિત સમાજ સહિત બર નારી ॥
ગએ સકલ તુહિનાચલ ગેહા। ગાવહિં મંગલ સહિત સનેહા ॥
પ્રથમહિં ગિરિ બહુ ગૃહ સઁવરાએ। જથાજોગુ તહઁ તહઁ સબ છાએ ॥
પુર સોભા અવલોકિ સુહાઈ। લાગઇ લઘુ બિરંચિ નિપુનાઈ ॥
છં . લઘુ લાગ બિધિ કી નિપુનતા અવલોકિ પુર સોભા સહી।
બન બાગ કૂપ તડ़ાગ સરિતા સુભગ સબ સક કો કહી ॥
મંગલ બિપુલ તોરન પતાકા કેતુ ગૃહ ગૃહ સોહહીં ॥
બનિતા પુરુષ સુંદર ચતુર છબિ દેખિ મુનિ મન મોહહીં ॥
દો. જગદંબા જહઁ અવતરી સો પુરુ બરનિ કિ જાઇ।
રિદ્ધિ સિદ્ધિ સંપત્તિ સુખ નિત નૂતન અધિકાઇ ॥ ૯૪ ॥

નગર નિકટ બરાત સુનિ આઈ। પુર ખરભરુ સોભા અધિકાઈ ॥
કરિ બનાવ સજિ બાહન નાના। ચલે લેન સાદર અગવાના ॥
હિયઁ હરષે સુર સેન નિહારી। હરિહિ દેખિ અતિ ભએ સુખારી ॥
સિવ સમાજ જબ દેખન લાગે। બિડરિ ચલે બાહન સબ ભાગે ॥