પૃષ્ઠ:Ramcharit Manas in Gujarati.pdf/૪

બિધિ નિષેધમય કલિ મલ હરની। કરમ કથા રબિનંદનિ બરની ॥
હરિ હર કથા બિરાજતિ બેની। સુનત સકલ મુદ મંગલ દેની ॥
બટુ બિસ્વાસ અચલ નિજ ધરમા। તીરથરાજ સમાજ સુકરમા ॥
સબહિં સુલભ સબ દિન સબ દેસા। સેવત સાદર સમન કલેસા ॥
અકથ અલૌકિક તીરથરાઊ। દેઇ સદ્ય ફલ પ્રગટ પ્રભાઊ ॥
દો. સુનિ સમુઝહિં જન મુદિત મન મજ્જહિં અતિ અનુરાગ।
લહહિં ચારિ ફલ અછત તનુ સાધુ સમાજ પ્રયાગ ॥ ૨ ॥

મજ્જન ફલ પેખિઅ તતકાલા। કાક હોહિં પિક બકઉ મરાલા ॥
સુનિ આચરજ કરૈ જનિ કોઈ। સતસંગતિ મહિમા નહિં ગોઈ ॥
બાલમીક નારદ ઘટજોની। નિજ નિજ મુખનિ કહી નિજ હોની ॥
જલચર થલચર નભચર નાના। જે જડ़ ચેતન જીવ જહાના ॥
મતિ કીરતિ ગતિ ભૂતિ ભલાઈ। જબ જેહિં જતન જહાઁ જેહિં પાઈ ॥
સો જાનબ સતસંગ પ્રભાઊ। લોકહુઁ બેદ ન આન ઉપાઊ ॥
બિનુ સતસંગ બિબેક ન હોઈ। રામ કૃપા બિનુ સુલભ ન સોઈ ॥
સતસંગત મુદ મંગલ મૂલા। સોઇ ફલ સિધિ સબ સાધન ફૂલા ॥
સઠ સુધરહિં સતસંગતિ પાઈ। પારસ પરસ કુધાત સુહાઈ ॥
બિધિ બસ સુજન કુસંગત પરહીં। ફનિ મનિ સમ નિજ ગુન અનુસરહીં ॥
બિધિ હરિ હર કબિ કોબિદ બાની। કહત સાધુ મહિમા સકુચાની ॥
સો મો સન કહિ જાત ન કૈસેં। સાક બનિક મનિ ગુન ગન જૈસેં ॥
દો. બંદઉઁ સંત સમાન ચિત હિત અનહિત નહિં કોઇ।
અંજલિ ગત સુભ સુમન જિમિ સમ સુગંધ કર દોઇ ॥ ૩(ક) ॥
સંત સરલ ચિત જગત હિત જાનિ સુભાઉ સનેહુ।
બાલબિનય સુનિ કરિ કૃપા રામ ચરન રતિ દેહુ ॥ ૩(ખ) ॥

બહુરિ બંદિ ખલ ગન સતિભાએઁ। જે બિનુ કાજ દાહિનેહુ બાએઁ ॥
પર હિત હાનિ લાભ જિન્હ કેરેં। ઉજરેં હરષ બિષાદ બસેરેં ॥
હરિ હર જસ રાકેસ રાહુ સે। પર અકાજ ભટ સહસબાહુ સે ॥
જે પર દોષ લખહિં સહસાખી। પર હિત ઘૃત જિન્હ કે મન માખી ॥
તેજ કૃસાનુ રોષ મહિષેસા। અઘ અવગુન ધન ધની ધનેસા ॥
ઉદય કેત સમ હિત સબહી કે। કુંભકરન સમ સોવત નીકે ॥
પર અકાજુ લગિ તનુ પરિહરહીં। જિમિ હિમ ઉપલ કૃષી દલિ ગરહીં ॥