પૃષ્ઠ:Ramcharit Manas in Gujarati.pdf/૪૨

૪૨

૪૨

શ્રી રામ ચરિત માનસ

---

છં . ગારીં મધુર સ્વર દેહિં સુંદરિ બિંગ્ય બચન સુનાવહીં।
ભોજનુ કરહિં સુર અતિ બિલંબુ બિનોદુ સુનિ સચુ પાવહીં ॥
જેવઁત જો બઢ़્યો અનંદુ સો મુખ કોટિહૂઁ ન પરૈ કહ્યો।
અચવાઁઇ દીન્હે પાન ગવને બાસ જહઁ જાકો રહ્યો ॥
દો. બહુરિ મુનિન્હ હિમવંત કહુઁ લગન સુનાઈ આઇ।
સમય બિલોકિ બિબાહ કર પઠએ દેવ બોલાઇ ॥ ૯૯ ॥

બોલિ સકલ સુર સાદર લીન્હે। સબહિ જથોચિત આસન દીન્હે ॥
બેદી બેદ બિધાન સઁવારી। સુભગ સુમંગલ ગાવહિં નારી ॥
સિંઘાસનુ અતિ દિબ્ય સુહાવા। જાઇ ન બરનિ બિરંચિ બનાવા ॥
બૈઠે સિવ બિપ્રન્હ સિરુ નાઈ। હૃદયઁ સુમિરિ નિજ પ્રભુ રઘુરાઈ ॥
બહુરિ મુનીસન્હ ઉમા બોલાઈ। કરિ સિંગારુ સખીં લૈ આઈ ॥
દેખત રૂપુ સકલ સુર મોહે। બરનૈ છબિ અસ જગ કબિ કો હૈ ॥
જગદંબિકા જાનિ ભવ ભામા। સુરન્હ મનહિં મન કીન્હ પ્રનામા ॥
સુંદરતા મરજાદ ભવાની। જાઇ ન કોટિહુઁ બદન બખાની ॥
છં . કોટિહુઁ બદન નહિં બનૈ બરનત જગ જનનિ સોભા મહા।
સકુચહિં કહત શ્રુતિ સેષ સારદ મંદમતિ તુલસી કહા ॥
છબિખાનિ માતુ ભવાનિ ગવની મધ્ય મંડપ સિવ જહાઁ ॥
અવલોકિ સકહિં ન સકુચ પતિ પદ કમલ મનુ મધુકરુ તહાઁ ॥
દો. મુનિ અનુસાસન ગનપતિહિ પૂજેઉ સંભુ ભવાનિ।
કોઉ સુનિ સંસય કરૈ જનિ સુર અનાદિ જિયઁ જાનિ ॥ ૧૦૦ ॥
જસિ બિબાહ કૈ બિધિ શ્રુતિ ગાઈ। મહામુનિન્હ સો સબ કરવાઈ ॥
ગહિ ગિરીસ કુસ કન્યા પાની। ભવહિ સમરપીં જાનિ ભવાની ॥
પાનિગ્રહન જબ કીન્હ મહેસા। હિંયઁ હરષે તબ સકલ સુરેસા ॥
બેદ મંત્ર મુનિબર ઉચ્ચરહીં। જય જય જય સંકર સુર કરહીં ॥
બાજહિં બાજન બિબિધ બિધાના। સુમનબૃષ્ટિ નભ ભૈ બિધિ નાના ॥
હર ગિરિજા કર ભયઉ બિબાહૂ । સકલ ભુવન ભરિ રહા ઉછાહૂ ॥
દાસીં દાસ તુરગ રથ નાગા। ધેનુ બસન મનિ બસ્તુ બિભાગા ॥
અન્ન કનકભાજન ભરિ જાના। દાઇજ દીન્હ ન જાઇ બખાના ॥