પૃષ્ઠ:Ramcharit Manas in Gujarati.pdf/૫૧

૫૧

૫૧

શ્રી રામ ચરિત માનસ

---

દો. છલ કરિ ટારેઉ તાસુ બ્રત પ્રભુ સુર કારજ કીન્હ ॥
જબ તેહિ જાનેઉ મરમ તબ શ્રાપ કોપ કરિ દીન્હ ॥ ૧૨૩ ॥

તાસુ શ્રાપ હરિ દીન્હ પ્રમાના। કૌતુકનિધિ કૃપાલ ભગવાના ॥
તહાઁ જલંધર રાવન ભયઊ। રન હતિ રામ પરમ પદ દયઊ ॥
એક જનમ કર કારન એહા। જેહિ લાગિ રામ ધરી નરદેહા ॥
પ્રતિ અવતાર કથા પ્રભુ કેરી। સુનુ મુનિ બરની કબિન્હ ઘનેરી ॥
નારદ શ્રાપ દીન્હ એક બારા। કલપ એક તેહિ લગિ અવતારા ॥
ગિરિજા ચકિત ભઈ સુનિ બાની। નારદ બિષ્નુભગત પુનિ ગ્યાનિ ॥
કારન કવન શ્રાપ મુનિ દીન્હા। કા અપરાધ રમાપતિ કીન્હા ॥
યહ પ્રસંગ મોહિ કહહુ પુરારી। મુનિ મન મોહ આચરજ ભારી ॥
દો. બોલે બિહસિ મહેસ તબ ગ્યાની મૂઢ ન કોઇ।
જેહિ જસ રઘુપતિ કરહિં જબ સો તસ તેહિ છન હોઇ ॥ ૧૨૪(ક) ॥
સો. કહઉઁ રામ ગુન ગાથ ભરદ્વાજ સાદર સુનહુ।
ભવ ભંજન રઘુનાથ ભજુ તુલસી તજિ માન મદ ॥ ૧૨૪(ખ) ॥

હિમગિરિ ગુહા એક અતિ પાવનિ। બહ સમીપ સુરસરી સુહાવનિ ॥
આશ્રમ પરમ પુનીત સુહાવા। દેખિ દેવરિષિ મન અતિ ભાવા ॥
નિરખિ સૈલ સરિ બિપિન બિભાગા। ભયઉ રમાપતિ પદ અનુરાગા ॥
સુમિરત હરિહિ શ્રાપ ગતિ બાધી। સહજ બિમલ મન લાગિ સમાધી ॥
મુનિ ગતિ દેખિ સુરેસ ડેરાના। કામહિ બોલિ કીન્હ સમાના ॥
સહિત સહાય જાહુ મમ હેતૂ। ચકેઉ હરષિ હિયઁ જલચરકેતૂ ॥
સુનાસીર મન મહુઁ અસિ ત્રાસા। ચહત દેવરિષિ મમ પુર બાસા ॥
જે કામી લોલુપ જગ માહીં। કુટિલ કાક ઇવ સબહિ ડેરાહીં ॥
દો. સુખ હાડ લૈ ભાગ સઠ સ્વાન નિરખિ મૃગરાજ।
છીનિ લેઇ જનિ જાન જડ તિમિ સુરપતિહિ ન લાજ ॥ ૧૨૫ ॥

તેહિ આશ્રમહિં મદન જબ ગયઊ। નિજ માયાઁ બસંત નિરમયઊ ॥
કુસુમિત બિબિધ બિટપ બહુરંગા। કૂજહિં કોકિલ ગુંજહિ ભૃંગા ॥
ચલી સુહાવનિ ત્રિબિધ બયારી। કામ કૃસાનુ બઢાવનિહારી ॥
રંભાદિક સુરનારિ નબીના । સકલ અસમસર કલા પ્રબીના ॥
કરહિં ગાન બહુ તાન તરંગા। બહુબિધિ ક્રીડ़હિ પાનિ પતંગા ॥
દેખિ સહાય મદન હરષાના। કીન્હેસિ પુનિ પ્રપંચ બિધિ નાના ॥