પૃષ્ઠ:Ramcharit Manas in Gujarati.pdf/૫૮

૫૮

૫૮

શ્રી રામ ચરિત માનસ

---

ઐસેઉ પ્રભુ સેવક બસ અહઈ। ભગત હેતુ લીલાતનુ ગહઈ ॥
જૌં યહ બચન સત્ય શ્રુતિ ભાષા। તૌ હમાર પૂજહિ અભિલાષા ॥
દો. એહિ બિધિ બીતેં બરષ ષટ સહસ બારિ આહાર।
સંબત સપ્ત સહસ્ર પુનિ રહે સમીર અધાર ॥ ૧૪૪ ॥

બરષ સહસ દસ ત્યાગેઉ સોઊ। ઠાઢ़ે રહે એક પદ દોઊ ॥
બિધિ હરિ તપ દેખિ અપારા। મનુ સમીપ આએ બહુ બારા ॥
માગહુ બર બહુ ભાઁતિ લોભાએ। પરમ ધીર નહિં ચલહિં ચલાએ ॥
અસ્થિમાત્ર હોઇ રહે સરીરા। તદપિ મનાગ મનહિં નહિં પીરા ॥
પ્રભુ સર્બગ્ય દાસ નિજ જાની। ગતિ અનન્ય તાપસ નૃપ રાની ॥
માગુ માગુ બરુ ભૈ નભ બાની। પરમ ગભીર કૃપામૃત સાની ॥
મૃતક જિઆવનિ ગિરા સુહાઈ। શ્રબન રંધ્ર હોઇ ઉર જબ આઈ ॥
હ્રષ્ટપુષ્ટ તન ભએ સુહાએ। માનહુઁ અબહિં ભવન તે આએ ॥
દો. શ્રવન સુધા સમ બચન સુનિ પુલક પ્રફુલ્લિત ગાત।
બોલે મનુ કરિ દંડવત પ્રેમ ન હૃદયઁ સમાત ॥ ૧૪૫ ॥

સુનુ સેવક સુરતરુ સુરધેનુ। બિધિ હરિ હર બંદિત પદ રેનૂ ॥
સેવત સુલભ સકલ સુખ દાયક। પ્રનતપાલ સચરાચર નાયક ॥
જૌં અનાથ હિત હમ પર નેહૂ । તૌ પ્રસન્ન હોઇ યહ બર દેહૂ ॥
જો સરૂપ બસ સિવ મન માહીં। જેહિ કારન મુનિ જતન કરાહીં ॥
જો ભુસુંડિ મન માનસ હંસા। સગુન અગુન જેહિ નિગમ પ્રસંસા ॥
દેખહિં હમ સો રૂપ ભરિ લોચન। કૃપા કરહુ પ્રનતારતિ મોચન ॥
દંપતિ બચન પરમ પ્રિય લાગે। મુદુલ બિનીત પ્રેમ રસ પાગે ॥
ભગત બછલ પ્રભુ કૃપાનિધાના। બિસ્વબાસ પ્રગટે ભગવાના ॥
દો. નીલ સરોરુહ નીલ મનિ નીલ નીરધર સ્યામ।
લાજહિં તન સોભા નિરખિ કોટિ કોટિ સત કામ ॥ ૧૪૬ ॥

સરદ મયંક બદન છબિ સીંવા। ચારુ કપોલ ચિબુક દર ગ્રીવા ॥
અધર અરુન રદ સુંદર નાસા। બિધુ કર નિકર બિનિંદક હાસા ॥
નવ અબુંજ અંબક છબિ નીકી। ચિતવનિ લલિત ભાવઁતી જી કી ॥
ભુકુટિ મનોજ ચાપ છબિ હારી। તિલક લલાટ પટલ દુતિકારી ॥
કુંડલ મકર મુકુટ સિર ભ્રાજા। કુટિલ કેસ જનુ મધુપ સમાજા ॥
ઉર શ્રીબત્સ રુચિર બનમાલા। પદિક હાર ભૂષન મનિજાલા ॥