પૃષ્ઠ:Ramcharit Manas in Gujarati.pdf/૫૯

૫૯

૫૯

શ્રી રામ ચરિત માનસ

---

કેહરિ કંધર ચારુ જનેઉ। બાહુ બિભૂષન સુંદર તેઊ ॥
કરિ કર સરિ સુભગ ભુજદંડા। કટિ નિષંગ કર સર કોદંડા ॥

દો. તડિત બિનિંદક પીત પટ ઉદર રેખ બર તીનિ ॥
નાભિ મનોહર લેતિ જનુ જમુન ભવઁર છબિ છીનિ ॥ ૧૪૭ ॥

પદ રાજીવ બરનિ નહિ જાહીં। મુનિ મન મધુપ બસહિં જેન્હ માહીં ॥
બામ ભાગ સોભતિ અનુકૂલા। આદિસક્તિ છબિનિધિ જગમૂલા ॥
જાસુ અંસ ઉપજહિં ગુનખાની। અગનિત લચ્છિ ઉમા બ્રહ્માની ॥
ભૃકુટિ બિલાસ જાસુ જગ હોઈ। રામ બામ દિસિ સીતા સોઈ ॥
છબિસમુદ્ર હરિ રૂપ બિલોકી। એકટક રહે નયન પટ રોકી ॥
ચિતવહિં સાદર રૂપ અનૂપા। તૃપ્તિ ન માનહિં મનુ સતરૂપા ॥
હરષ બિબસ તન દસા ભુલાની। પરે દંડ ઇવ ગહિ પદ પાની ॥
સિર પરસે પ્રભુ નિજ કર કંજા। તુરત ઉઠાએ કરુનાપુંજા ॥
દો. બોલે કૃપાનિધાન પુનિ અતિ પ્રસન્ન મોહિ જાનિ।
માગહુ બર જોઇ ભાવ મન મહાદાનિ અનુમાનિ ॥ ૧૪૮ ॥

સુનિ પ્રભુ બચન જોરિ જુગ પાની। ધરિ ધીરજુ બોલી મૃદુ બાની ॥
નાથ દેખિ પદ કમલ તુમ્હારે। અબ પૂરે સબ કામ હમારે ॥
એક લાલસા બડ़િ ઉર માહી। સુગમ અગમ કહિ જાત સો નાહીં ॥
તુમ્હહિ દેત અતિ સુગમ ગોસાઈં । અગમ લાગ મોહિ નિજ કૃપનાઈં ॥
જથા દરિદ્ર બિબુધતરુ પાઈ। બહુ સંપતિ માગત સકુચાઈ ॥
તાસુ પ્રભા જાન નહિં સોઈ। તથા હૃદયઁ મમ સંસય હોઈ ॥
સો તુમ્હ જાનહુ અંતરજામી। પુરવહુ મોર મનોરથ સ્વામી ॥
સકુચ બિહાઇ માગુ નૃપ મોહિ। મોરેં નહિં અદેય કછુ તોહી ॥
દો. દાનિ સિરોમનિ કૃપાનિધિ નાથ કહઉઁ સતિભાઉ ॥
ચાહઉઁ તુમ્હહિ સમાન સુત પ્રભુ સન કવન દુરાઉ ॥ ૧૪૯ ॥

દેખિ પ્રીતિ સુનિ બચન અમોલે। એવમસ્તુ કરુનાનિધિ બોલે ॥
આપુ સરિસ ખોજૌં કહઁ જાઈ। નૃપ તવ તનય હોબ મૈં આઈ ॥
સતરૂપહિ બિલોકિ કર જોરેં। દેબિ માગુ બરુ જો રુચિ તોરે ॥
જો બરુ નાથ ચતુર નૃપ માગા। સોઇ કૃપાલ મોહિ અતિ પ્રિય લાગા ॥
પ્રભુ પરંતુ સુઠિ હોતિ ઢિઠાઈ। જદપિ ભગત હિત તુમ્હહિ સોહાઈ ॥
તુમ્હ બ્રહ્માદિ જનક જગ સ્વામી। બ્રહ્મ સકલ ઉર અંતરજામી ॥