પૃષ્ઠ:Ramcharit Manas in Gujarati.pdf/૬૪

૬૪

૬૪

શ્રી રામ ચરિત માનસ

---

સુંદર કેકિહિ પેખુ બચન સુધા સમ અસન અહિ ॥ ૧૬૧(ખ)

તાતેં ગુપુત રહઉઁ જગ માહીં। હરિ તજિ કિમપિ પ્રયોજન નાહીં ॥
પ્રભુ જાનત સબ બિનહિં જનાએઁ। કહહુ કવનિ સિધિ લોક રિઝાએઁ ॥
તુમ્હ સુચિ સુમતિ પરમ પ્રિય મોરેં। પ્રીતિ પ્રતીતિ મોહિ પર તોરેં ॥
અબ જૌં તાત દુરાવઉઁ તોહી। દારુન દોષ ઘટઇ અતિ મોહી ॥
જિમિ જિમિ તાપસુ કથઇ ઉદાસા। તિમિ તિમિ નૃપહિ ઉપજ બિસ્વાસા ॥
દેખા સ્વબસ કર્મ મન બાની। તબ બોલા તાપસ બગધ્યાની ॥
નામ હમાર એકતનુ ભાઈ। સુનિ નૃપ બોલે પુનિ સિરુ નાઈ ॥
કહહુ નામ કર અરથ બખાની। મોહિ સેવક અતિ આપન જાની ॥
દો. આદિસૃષ્ટિ ઉપજી જબહિં તબ ઉતપતિ ભૈ મોરિ।
નામ એકતનુ હેતુ તેહિ દેહ ન ધરી બહોરિ ॥ ૧૬૨ ॥

જનિ આચરુજ કરહુ મન માહીં। સુત તપ તેં દુર્લભ કછુ નાહીં ॥
તપબલ તેં જગ સૃજઇ બિધાતા। તપબલ બિષ્નુ ભએ પરિત્રાતા ॥
તપબલ સંભુ કરહિં સંઘારા। તપ તેં અગમ ન કછુ સંસારા ॥
ભયઉ નૃપહિ સુનિ અતિ અનુરાગા। કથા પુરાતન કહૈ સો લાગા ॥
કરમ ધરમ ઇતિહાસ અનેકા। કરઇ નિરૂપન બિરતિ બિબેકા ॥
ઉદભવ પાલન પ્રલય કહાની। કહેસિ અમિત આચરજ બખાની ॥
સુનિ મહિપ તાપસ બસ ભયઊ। આપન નામ કહત તબ લયઊ ॥
કહ તાપસ નૃપ જાનઉઁ તોહી। કીન્હેહુ કપટ લાગ ભલ મોહી ॥
સો. સુનુ મહીસ અસિ નીતિ જહઁ તહઁ નામ ન કહહિં નૃપ।
મોહિ તોહિ પર અતિ પ્રીતિ સોઇ ચતુરતા બિચારિ તવ ॥ ૧૬૩ ॥

નામ તુમ્હાર પ્રતાપ દિનેસા। સત્યકેતુ તવ પિતા નરેસા ॥
ગુર પ્રસાદ સબ જાનિઅ રાજા। કહિઅ ન આપન જાનિ અકાજા ॥
દેખિ તાત તવ સહજ સુધાઈ। પ્રીતિ પ્રતીતિ નીતિ નિપુનાઈ ॥
ઉપજિ પરિ મમતા મન મોરેં। કહઉઁ કથા નિજ પૂછે તોરેં ॥
અબ પ્રસન્ન મૈં સંસય નાહીં। માગુ જો ભૂપ ભાવ મન માહીં ॥
સુનિ સુબચન ભૂપતિ હરષાના। ગહિ પદ બિનય કીન્હિ બિધિ નાના ॥
કૃપાસિંધુ મુનિ દરસન તોરેં। ચારિ પદારથ કરતલ મોરેં ॥
પ્રભુહિ તથાપિ પ્રસન્ન બિલોકી। માગિ અગમ બર હોઉઁ અસોકી ॥
દો. જરા મરન દુખ રહિત તનુ સમર જિતૈ જનિ કોઉ।