પૃષ્ઠ:Ramcharit Manas in Gujarati.pdf/૬૭

૬૭

૬૭

શ્રી રામ ચરિત માનસ

---

અજહુઁ દેત દુખ રબિ સસિહિ સિર અવસેષિત રાહુ ॥ ૧૭૦ ॥

તાપસ નૃપ નિજ સખહિ નિહારી। હરષિ મિલેઉ ઉઠિ ભયઉ સુખારી ॥
મિત્રહિ કહિ સબ કથા સુનાઈ। જાતુધાન બોલા સુખ પાઈ ॥
અબ સાધેઉઁ રિપુ સુનહુ નરેસા। જૌં તુમ્હ કીન્હ મોર ઉપદેસા ॥
પરિહરિ સોચ રહહુ તુમ્હ સોઈ। બિનુ ઔષધ બિઆધિ બિધિ ખોઈ ॥
કુલ સમેત રિપુ મૂલ બહાઈ। ચૌથે દિવસ મિલબ મૈં આઈ ॥
તાપસ નૃપહિ બહુત પરિતોષી। ચલા મહાકપટી અતિરોષી ॥
ભાનુપ્રતાપહિ બાજિ સમેતા। પહુઁચાએસિ છન માઝ નિકેતા ॥
નૃપહિ નારિ પહિં સયન કરાઈ। હયગૃહઁ બાઁધેસિ બાજિ બનાઈ ॥
દો. રાજા કે ઉપરોહિતહિ હરિ લૈ ગયઉ બહોરિ।
લૈ રાખેસિ ગિરિ ખોહ મહુઁ માયાઁ કરિ મતિ ભોરિ ॥ ૧૭૧ ॥

આપુ બિરચિ ઉપરોહિત રૂપા। પરેઉ જાઇ તેહિ સેજ અનૂપા ॥
જાગેઉ નૃપ અનભએઁ બિહાના। દેખિ ભવન અતિ અચરજુ માના ॥
મુનિ મહિમા મન મહુઁ અનુમાની। ઉઠેઉ ગવઁહિ જેહિ જાન ન રાની ॥
કાનન ગયઉ બાજિ ચઢ़િ તેહીં। પુર નર નારિ ન જાનેઉ કેહીં ॥
ગએઁ જામ જુગ ભૂપતિ આવા। ઘર ઘર ઉત્સવ બાજ બધાવા ॥
ઉપરોહિતહિ દેખ જબ રાજા। ચકિત બિલોકિ સુમિરિ સોઇ કાજા ॥
જુગ સમ નૃપહિ ગએ દિન તીની। કપટી મુનિ પદ રહ મતિ લીની ॥
સમય જાનિ ઉપરોહિત આવા। નૃપહિ મતે સબ કહિ સમુઝાવા ॥
દો. નૃપ હરષેઉ પહિચાનિ ગુરુ ભ્રમ બસ રહા ન ચેત।
બરે તુરત સત સહસ બર બિપ્ર કુટુંબ સમેત ॥ ૧૭૨ ॥

ઉપરોહિત જેવનાર બનાઈ। છરસ ચારિ બિધિ જસિ શ્રુતિ ગાઈ ॥
માયામય તેહિં કીન્હ રસોઈ। બિંજન બહુ ગનિ સકઇ ન કોઈ ॥
બિબિધ મૃગન્હ કર આમિષ રાઁધા। તેહિ મહુઁ બિપ્ર માઁસુ ખલ સાઁધા ॥
ભોજન કહુઁ સબ બિપ્ર બોલાએ। પદ પખારિ સાદર બૈઠાએ ॥
પરુસન જબહિં લાગ મહિપાલા। ભૈ અકાસબાની તેહિ કાલા ॥
બિપ્રબૃંદ ઉઠિ ઉઠિ ગૃહ જાહૂ। હૈ બડ़િ હાનિ અન્ન જનિ ખાહૂ ॥
ભયઉ રસોઈં ભૂસુર માઁસૂ। સબ દ્વિજ ઉઠે માનિ બિસ્વાસૂ ॥
ભૂપ બિકલ મતિ મોહઁ ભુલાની। ભાવી બસ આવ મુખ બાની ॥
દો. બોલે બિપ્ર સકોપ તબ નહિં કછુ કીન્હ બિચાર।