પૃષ્ઠ:Ramcharit Manas in Gujarati.pdf/૭૩

૭૩

૭૩

શ્રી રામ ચરિત માનસ

---

જો ભવ ભય ભંજન મુનિ મન રંજન ગંજન બિપતિ બરૂથા।
મન બચ ક્રમ બાની છાડ़િ સયાની સરન સકલ સુર જૂથા ॥
સારદ શ્રુતિ સેષા રિષય અસેષા જા કહુઁ કોઉ નહિ જાના।
જેહિ દીન પિઆરે બેદ પુકારે દ્રવઉ સો શ્રીભગવાના ॥
ભવ બારિધિ મંદર સબ બિધિ સુંદર ગુનમંદિર સુખપુંજા।
મુનિ સિદ્ધ સકલ સુર પરમ ભયાતુર નમત નાથ પદ કંજા ॥
દો. જાનિ સભય સુરભૂમિ સુનિ બચન સમેત સનેહ।
ગગનગિરા ગંભીર ભઇ હરનિ સોક સંદેહ ॥ ૧૮૬ ॥

જનિ ડરપહુ મુનિ સિદ્ધ સુરેસા। તુમ્હહિ લાગિ ધરિહઉઁ નર બેસા ॥
અંસન્હ સહિત મનુજ અવતારા। લેહઉઁ દિનકર બંસ ઉદારા ॥
કસ્યપ અદિતિ મહાતપ કીન્હા। તિન્હ કહુઁ મૈં પૂરબ બર દીન્હા ॥
તે દસરથ કૌસલ્યા રૂપા। કોસલપુરીં પ્રગટ નરભૂપા ॥
તિન્હ કે ગૃહ અવતરિહઉઁ જાઈ। રઘુકુલ તિલક સો ચારિઉ ભાઈ ॥
નારદ બચન સત્ય સબ કરિહઉઁ । પરમ સક્તિ સમેત અવતરિહઉઁ ॥
હરિહઉઁ સકલ ભૂમિ ગરુઆઈ। નિર્ભય હોહુ દેવ સમુદાઈ ॥
ગગન બ્રહ્મબાની સુની કાના। તુરત ફિરે સુર હૃદય જુડ़ાના ॥
તબ બ્રહ્મા ધરનિહિ સમુઝાવા। અભય ભઈ ભરોસ જિયઁ આવા ॥
દો. નિજ લોકહિ બિરંચિ ગે દેવન્હ ઇહઇ સિખાઇ।
બાનર તનુ ધરિ ધરિ મહિ હરિ પદ સેવહુ જાઇ ॥ ૧૮૭ ॥

ગએ દેવ સબ નિજ નિજ ધામા। ભૂમિ સહિત મન કહુઁ બિશ્રામા ।
જો કછુ આયસુ બ્રહ્માઁ દીન્હા। હરષે દેવ બિલંબ ન કીન્હા ॥
બનચર દેહ ધરિ છિતિ માહીં। અતુલિત બલ પ્રતાપ તિન્હ પાહીં ॥
ગિરિ તરુ નખ આયુધ સબ બીરા। હરિ મારગ ચિતવહિં મતિધીરા ॥
ગિરિ કાનન જહઁ તહઁ ભરિ પૂરી। રહે નિજ નિજ અનીક રચિ રૂરી ॥
યહ સબ રુચિર ચરિત મૈં ભાષા। અબ સો સુનહુ જો બીચહિં રાખા ॥
અવધપુરીં રઘુકુલમનિ રાઊ। બેદ બિદિત તેહિ દસરથ નાઊઁ ॥
ધરમ ધુરંધર ગુનનિધિ ગ્યાની। હૃદયઁ ભગતિ મતિ સારઁગપાની ॥
દો. કૌસલ્યાદિ નારિ પ્રિય સબ આચરન પુનીત।
પતિ અનુકૂલ પ્રેમ દૃઢ़ હરિ પદ કમલ બિનીત ॥ ૧૮૮ ॥

એક બાર ભૂપતિ મન માહીં। ભૈ ગલાનિ મોરેં સુત નાહીં ॥