પૃષ્ઠ:Ramcharit Manas in Gujarati.pdf/૮૩

૮૩

૮૩

શ્રી રામ ચરિત માનસ

---

ફૂલત ફલત સુપલ્લવત સોહત પુર ચહુઁ પાસ ॥ ૨૧૨ ॥

બનઇ ન બરનત નગર નિકાઈ। જહાઁ જાઇ મન તહઁઇઁ લોભાઈ ॥
ચારુ બજારુ બિચિત્ર અઁબારી। મનિમય બિધિ જનુ સ્વકર સઁવારી ॥
ધનિક બનિક બર ધનદ સમાના। બૈઠ સકલ બસ્તુ લૈ નાના ॥
ચૌહટ સુંદર ગલીં સુહાઈ। સંતત રહહિં સુગંધ સિંચાઈ ॥
મંગલમય મંદિર સબ કેરેં। ચિત્રિત જનુ રતિનાથ ચિતેરેં ॥
પુર નર નારિ સુભગ સુચિ સંતા। ધરમસીલ ગ્યાની ગુનવંતા ॥
અતિ અનૂપ જહઁ જનક નિવાસૂ। બિથકહિં બિબુધ બિલોકિ બિલાસૂ ॥
હોત ચકિત ચિત કોટ બિલોકી। સકલ ભુવન સોભા જનુ રોકી ॥
દો. ધવલ ધામ મનિ પુરટ પટ સુઘટિત નાના ભાઁતિ।
સિય નિવાસ સુંદર સદન સોભા કિમિ કહિ જાતિ ॥ ૨૧૩ ॥

સુભગ દ્વાર સબ કુલિસ કપાટા। ભૂપ ભીર નટ માગધ ભાટા ॥
બની બિસાલ બાજિ ગજ સાલા। હય ગય રથ સંકુલ સબ કાલા ॥
સૂર સચિવ સેનપ બહુતેરે। નૃપગૃહ સરિસ સદન સબ કેરે ॥
પુર બાહેર સર સારિત સમીપા। ઉતરે જહઁ તહઁ બિપુલ મહીપા ॥
દેખિ અનૂપ એક અઁવરાઈ। સબ સુપાસ સબ ભાઁતિ સુહાઈ ॥
કૌસિક કહેઉ મોર મનુ માના। ઇહાઁ રહિઅ રઘુબીર સુજાના ॥
ભલેહિં નાથ કહિ કૃપાનિકેતા। ઉતરે તહઁ મુનિબૃંદ સમેતા ॥
બિસ્વામિત્ર મહામુનિ આએ। સમાચાર મિથિલાપતિ પાએ ॥
દો. સંગ સચિવ સુચિ ભૂરિ ભટ ભૂસુર બર ગુર ગ્યાતિ।
ચલે મિલન મુનિનાયકહિ મુદિત રાઉ એહિ ભાઁતિ ॥ ૨૧૪ ॥

કીન્હ પ્રનામુ ચરન ધરિ માથા। દીન્હિ અસીસ મુદિત મુનિનાથા ॥
બિપ્રબૃંદ સબ સાદર બંદે। જાનિ ભાગ્ય બડ़ રાઉ અનંદે ॥
કુસલ પ્રસ્ન કહિ બારહિં બારા। બિસ્વામિત્ર નૃપહિ બૈઠારા ॥
તેહિ અવસર આએ દોઉ ભાઈ। ગએ રહે દેખન ફુલવાઈ ॥
સ્યામ ગૌર મૃદુ બયસ કિસોરા। લોચન સુખદ બિસ્વ ચિત ચોરા ॥
ઉઠે સકલ જબ રઘુપતિ આએ। બિસ્વામિત્ર નિકટ બૈઠાએ ॥
ભએ સબ સુખી દેખિ દોઉ ભ્રાતા। બારિ બિલોચન પુલકિત ગાતા ॥
મૂરતિ મધુર મનોહર દેખી। ભયઉ બિદેહુ બિદેહુ બિસેષી ॥
દો. પ્રેમ મગન મનુ જાનિ નૃપુ કરિ બિબેકુ ધરિ ધીર।