કરહુ સુફલ સબ કે નયન સુંદર બદન દેખાઇ ॥ ૨૧૮ ॥
માસપારાયણ, આઠવાઁ વિશ્રામ
નવાન્હપારાયણ, દૂસરા વિશ્રામ
મુનિ પદ કમલ બંદિ દોઉ ભ્રાતા। ચલે લોક લોચન સુખ દાતા ॥
બાલક બૃંદિ દેખિ અતિ સોભા। લગે સંગ લોચન મનુ લોભા ॥
પીત બસન પરિકર કટિ ભાથા। ચારુ ચાપ સર સોહત હાથા ॥
તન અનુહરત સુચંદન ખોરી। સ્યામલ ગૌર મનોહર જોરી ॥
કેહરિ કંધર બાહુ બિસાલા। ઉર અતિ રુચિર નાગમનિ માલા ॥
સુભગ સોન સરસીરુહ લોચન। બદન મયંક તાપત્રય મોચન ॥
કાનન્હિ કનક ફૂલ છબિ દેહીં। ચિતવત ચિતહિ ચોરિ જનુ લેહીં ॥
ચિતવનિ ચારુ ભૃકુટિ બર બાઁકી। તિલક રેખા સોભા જનુ ચાઁકી ॥
દો. રુચિર ચૌતનીં સુભગ સિર મેચક કુંચિત કેસ।
નખ સિખ સુંદર બંધુ દોઉ સોભા સકલ સુદેસ ॥ ૨૧૯ ॥
દેખન નગરુ ભૂપસુત આએ। સમાચાર પુરબાસિંહ પાએ ॥
ધાએ ધામ કામ સબ ત્યાગી। મનહુ રંક નિધિ લૂટન લાગી ॥
નિરખિ સહજ સુંદર દોઉ ભાઈ। હોહિં સુખી લોચન ફલ પાઈ ॥
જુબતીં ભવન ઝરોખન્હિ લાગીં। નિરખહિં રામ રૂપ અનુરાગીં ॥
કહહિં પરસપર બચન સપ્રીતી। સખિ ઇન્હ કોટિ કામ છબિ જીતી ॥
સુર નર અસુર નાગ મુનિ માહીં। સોભા અસિ કહુઁ સુનિઅતિ નાહીં ॥
બિષ્નુ ચારિ ભુજ બિઘિ મુખ ચારી। બિકટ બેષ મુખ પંચ પુરારી ॥
અપર દેઉ અસ કોઉ ન આહી। યહ છબિ સખિ પટતરિઅ જાહી ॥
દો. બય કિસોર સુષમા સદન સ્યામ ગૌર સુખ ધામ ।
અંગ અંગ પર વારિઅહિં કોટિ કોટિ સત કામ ॥ ૨૨૦ ॥
કહહુ સખી અસ કો તનુધારી। જો ન મોહ યહ રૂપ નિહારી ॥
કોઉ સપ્રેમ બોલી મૃદુ બાની। જો મૈં સુના સો સુનહુ સયાની ॥
એ દોઊ દસરથ કે ઢોટા। બાલ મરાલન્હિ કે કલ જોટા ॥
મુનિ કૌસિક મખ કે રખવારે। જિન્હ રન અજિર નિસાચર મારે ॥
સ્યામ ગાત કલ કંજ બિલોચન। જો મારીચ સુભુજ મદુ મોચન ॥
કૌસલ્યા સુત સો સુખ ખાની। નામુ રામુ ધનુ સાયક પાની ॥
ગૌર કિસોર બેષુ બર કાછેં। કર સર ચાપ રામ કે પાછેં ॥
