પૃષ્ઠ:Ramcharit Manas in Gujarati.pdf/૮૬

૮૬

૮૬

શ્રી રામ ચરિત માનસ

---

લછિમનુ નામુ રામ લઘુ ભ્રાતા। સુનુ સખિ તાસુ સુમિત્રા માતા ॥
દો. બિપ્રકાજુ કરિ બંધુ દોઉ મગ મુનિબધૂ ઉધારિ।
આએ દેખન ચાપમખ સુનિ હરષીં સબ નારિ ॥ ૨૨૧ ॥

દેખિ રામ છબિ કોઉ એક કહઈ। જોગુ જાનકિહિ યહ બરુ અહઈ ॥
જૌ સખિ ઇન્હહિ દેખ નરનાહૂ । પન પરિહરિ હઠિ કરઇ બિબાહૂ ॥
કોઉ કહ એ ભૂપતિ પહિચાને। મુનિ સમેત સાદર સનમાને ॥
સખિ પરંતુ પનુ રાઉ ન તજઈ। બિધિ બસ હઠિ અબિબેકહિ ભજઈ ॥
કોઉ કહ જૌં ભલ અહઇ બિધાતા। સબ કહઁ સુનિઅ ઉચિત ફલદાતા ॥
તૌ જાનકિહિ મિલિહિ બરુ એહૂ । નાહિન આલિ ઇહાઁ સંદેહૂ ॥
જૌ બિધિ બસ અસ બનૈ સઁજોગૂ। તૌ કૃતકૃત્ય હોઇ સબ લોગૂ ॥
સખિ હમરેં આરતિ અતિ તાતેં। કબહુઁક એ આવહિં એહિ નાતેં ॥
દો. નાહિં ત હમ કહુઁ સુનહુ સખિ ઇન્હ કર દરસનુ દૂરિ।
યહ સંઘટુ તબ હોઇ જબ પુન્ય પુરાકૃત ભૂરિ ॥ ૨૨૨ ॥

બોલી અપર કહેહુ સખિ નીકા। એહિં બિઆહ અતિ હિત સબહીં કા ॥
કોઉ કહ સંકર ચાપ કઠોરા। એ સ્યામલ મૃદુગાત કિસોરા ॥
સબુ અસમંજસ અહઇ સયાની। યહ સુનિ અપર કહઇ મૃદુ બાની ॥
સખિ ઇન્હ કહઁ કોઉ કોઉ અસ કહહીં। બડ़ પ્રભાઉ દેખત લઘુ અહહીં ॥
પરસિ જાસુ પદ પંકજ ધૂરી। તરી અહલ્યા કૃત અઘ ભૂરી ॥
સો કિ રહિહિ બિનુ સિવધનુ તોરેં। યહ પ્રતીતિ પરિહરિઅ ન ભોરેં ॥
જેહિં બિરંચિ રચિ સીય સઁવારી। તેહિં સ્યામલ બરુ રચેઉ બિચારી ॥
તાસુ બચન સુનિ સબ હરષાનીં। ઐસેઇ હોઉ કહહિં મુદુ બાની ॥
દો. હિયઁ હરષહિં બરષહિં સુમન સુમુખિ સુલોચનિ બૃંદ।
જાહિં જહાઁ જહઁ બંધુ દોઉ તહઁ તહઁ પરમાનંદ ॥ ૨૨૩ ॥

પુર પૂરબ દિસિ ગે દોઉ ભાઈ। જહઁ ધનુમખ હિત ભૂમિ બનાઈ ॥
અતિ બિસ્તાર ચારુ ગચ ઢારી। બિમલ બેદિકા રુચિર સઁવારી ॥
ચહુઁ દિસિ કંચન મંચ બિસાલા। રચે જહાઁ બેઠહિં મહિપાલા ॥
તેહિ પાછેં સમીપ ચહુઁ પાસા। અપર મંચ મંડલી બિલાસા ॥
કછુક ઊઁચિ સબ ભાઁતિ સુહાઈ। બૈઠહિં નગર લોગ જહઁ જાઈ ॥
તિન્હ કે નિકટ બિસાલ સુહાએ। ધવલ ધામ બહુબરન બનાએ ॥
જહઁ બૈંઠૈં દેખહિં સબ નારી। જથા જોગુ નિજ કુલ અનુહારી ॥