પૃષ્ઠ:Ramcharit Manas in Gujarati.pdf/૯

સબ જાનત પ્રભુ પ્રભુતા સોઈ। તદપિ કહેં બિનુ રહા ન કોઈ ॥
તહાઁ બેદ અસ કારન રાખા। ભજન પ્રભાઉ ભાઁતિ બહુ ભાષા ॥
એક અનીહ અરૂપ અનામા। અજ સચ્ચિદાનંદ પર ધામા ॥
બ્યાપક બિસ્વરૂપ ભગવાના। તેહિં ધરિ દેહ ચરિત કૃત નાના ॥
સો કેવલ ભગતન હિત લાગી। પરમ કૃપાલ પ્રનત અનુરાગી ॥
જેહિ જન પર મમતા અતિ છોહૂ । જેહિં કરુના કરિ કીન્હ ન કોહૂ ॥
ગઈ બહોર ગરીબ નેવાજૂ । સરલ સબલ સાહિબ રઘુરાજૂ ॥
બુધ બરનહિં હરિ જસ અસ જાની। કરહિ પુનીત સુફલ નિજ બાની ॥
તેહિં બલ મૈં રઘુપતિ ગુન ગાથા। કહિહઉઁ નાઇ રામ પદ માથા ॥
મુનિન્હ પ્રથમ હરિ કીરતિ ગાઈ। તેહિં મગ ચલત સુગમ મોહિ ભાઈ ॥
દો. અતિ અપાર જે સરિત બર જૌં નૃપ સેતુ કરાહિં ।
ચઢિ પિપીલિકઉ પરમ લઘુ બિનુ શ્રમ પારહિ જાહિં ॥ ૧૩ ॥

એહિ પ્રકાર બલ મનહિ દેખાઈ। કરિહઉઁ રઘુપતિ કથા સુહાઈ ॥
બ્યાસ આદિ કબિ પુંગવ નાના। જિન્હ સાદર હરિ સુજસ બખાના ॥
ચરન કમલ બંદઉઁ તિન્હ કેરે। પુરવહુઁ સકલ મનોરથ મેરે ॥
કલિ કે કબિન્હ કરઉઁ પરનામા। જિન્હ બરને રઘુપતિ ગુન ગ્રામા ॥
જે પ્રાકૃત કબિ પરમ સયાને। ભાષાઁ જિન્હ હરિ ચરિત બખાને ॥
ભએ જે અહહિં જે હોઇહહિં આગેં। પ્રનવઉઁ સબહિં કપટ સબ ત્યાગેં ॥
હોહુ પ્રસન્ન દેહુ બરદાનૂ। સાધુ સમાજ ભનિતિ સનમાનૂ ॥
જો પ્રબંધ બુધ નહિં આદરહીં। સો શ્રમ બાદિ બાલ કબિ કરહીં ॥
કીરતિ ભનિતિ ભૂતિ ભલિ સોઈ। સુરસરિ સમ સબ કહઁ હિત હોઈ ॥
રામ સુકીરતિ ભનિતિ ભદેસા। અસમંજસ અસ મોહિ અઁદેસા ॥
તુમ્હરી કૃપા સુલભ સોઉ મોરે। સિઅનિ સુહાવનિ ટાટ પટોરે ॥
દો. સરલ કબિત કીરતિ બિમલ સોઇ આદરહિં સુજાન।
સહજ બયર બિસરાઇ રિપુ જો સુનિ કરહિં બખાન ॥ ૧૪(ક) ॥
સો ન હોઇ બિનુ બિમલ મતિ મોહિ મતિ બલ અતિ થોર।
કરહુ કૃપા હરિ જસ કહઉઁ પુનિ પુનિ કરઉઁ નિહોર ॥ ૧૪(ખ) ॥
કબિ કોબિદ રઘુબર ચરિત માનસ મંજુ મરાલ।
બાલ બિનય સુનિ સુરુચિ લખિ મોપર હોહુ કૃપાલ ॥ ૧૪(ગ) ॥

સો. બંદઉઁ મુનિ પદ કંજુ રામાયન જેહિં નિરમયઉ।