પૃષ્ઠ:Ramcharit Manas in Gujarati.pdf/૯૦

૯૦

૯૦

શ્રી રામ ચરિત માનસ

---

સુમન સમેત બામ કર દોના। સાવઁર કુઅઁર સખી સુઠિ લોના ॥
દો. કેહરિ કટિ પટ પીત ધર સુષમા સીલ નિધાન।
દેખિ ભાનુકુલભૂષનહિ બિસરા સખિન્હ અપાન ॥ ૨૩૩ ॥

ધરિ ધીરજુ એક આલિ સયાની। સીતા સન બોલી ગહિ પાની ॥
બહુરિ ગૌરિ કર ધ્યાન કરેહૂ । ભૂપકિસોર દેખિ કિન લેહૂ ॥
સકુચિ સીયઁ તબ નયન ઉઘારે। સનમુખ દોઉ રઘુસિંઘ નિહારે ॥
નખ સિખ દેખિ રામ કૈ સોભા। સુમિરિ પિતા પનુ મનુ અતિ છોભા ॥
પરબસ સખિન્હ લખી જબ સીતા। ભયઉ ગહરુ સબ કહહિ સભીતા ॥
પુનિ આઉબ એહિ બેરિઆઁ કાલી। અસ કહિ મન બિહસી એક આલી ॥
ગૂઢ़ ગિરા સુનિ સિય સકુચાની। ભયઉ બિલંબુ માતુ ભય માની ॥
ધરિ બડ़િ ધીર રામુ ઉર આને। ફિરિ અપનપઉ પિતુબસ જાને ॥
દો. દેખન મિસ મૃગ બિહગ તરુ ફિરઇ બહોરિ બહોરિ।
નિરખિ નિરખિ રઘુબીર છબિ બાઢ़ઇ પ્રીતિ ન થોરિ ॥ ૨૩૪ ॥

જાનિ કઠિન સિવચાપ બિસૂરતિ। ચલી રાખિ ઉર સ્યામલ મૂરતિ ॥
પ્રભુ જબ જાત જાનકી જાની। સુખ સનેહ સોભા ગુન ખાની ॥
પરમ પ્રેમમય મૃદુ મસિ કીન્હી। ચારુ ચિત ભીતીં લિખ લીન્હી ॥
ગઈ ભવાની ભવન બહોરી। બંદિ ચરન બોલી કર જોરી ॥
જય જય ગિરિબરરાજ કિસોરી। જય મહેસ મુખ ચંદ ચકોરી ॥
જય ગજ બદન ષડ़ાનન માતા। જગત જનનિ દામિનિ દુતિ ગાતા ॥
નહિં તવ આદિ મધ્ય અવસાના। અમિત પ્રભાઉ બેદુ નહિં જાના ॥
ભવ ભવ બિભવ પરાભવ કારિનિ। બિસ્વ બિમોહનિ સ્વબસ બિહારિનિ ॥
દો. પતિદેવતા સુતીય મહુઁ માતુ પ્રથમ તવ રેખ।
મહિમા અમિત ન સકહિં કહિ સહસ સારદા સેષ ॥ ૨૩૫ ॥
સેવત તોહિ સુલભ ફલ ચારી। બરદાયની પુરારિ પિઆરી ॥
દેબિ પૂજિ પદ કમલ તુમ્હારે। સુર નર મુનિ સબ હોહિં સુખારે ॥
મોર મનોરથુ જાનહુ નીકેં। બસહુ સદા ઉર પુર સબહી કેં ॥
કીન્હેઉઁ પ્રગટ ન કારન તેહીં। અસ કહિ ચરન ગહે બૈદેહીં ॥
બિનય પ્રેમ બસ ભઈ ભવાની। ખસી માલ મૂરતિ મુસુકાની ॥
સાદર સિયઁ પ્રસાદુ સિર ધરેઊ। બોલી ગૌરિ હરષુ હિયઁ ભરેઊ ॥
સુનુ સિય સત્ય અસીસ હમારી। પૂજિહિ મન કામના તુમ્હારી ॥