પૃષ્ઠ:Ramcharit Manas in Gujarati.pdf/૯૧

૯૧

૯૧

શ્રી રામ ચરિત માનસ

---

નારદ બચન સદા સુચિ સાચા। સો બરુ મિલિહિ જાહિં મનુ રાચા ॥
છં . મનુ જાહિં રાચેઉ મિલિહિ સો બરુ સહજ સુંદર સાઁવરો।
કરુના નિધાન સુજાન સીલુ સનેહુ જાનત રાવરો ॥
એહિ ભાઁતિ ગૌરિ અસીસ સુનિ સિય સહિત હિયઁ હરષીં અલી।
તુલસી ભવાનિહિ પૂજિ પુનિ પુનિ મુદિત મન મંદિર ચલી ॥
સો. જાનિ ગૌરિ અનુકૂલ સિય હિય હરષુ ન જાઇ કહિ।
મંજુલ મંગલ મૂલ બામ અંગ ફરકન લગે ॥ ૨૩૬ ॥

હૃદયઁ સરાહત સીય લોનાઈ। ગુર સમીપ ગવને દોઉ ભાઈ ॥
રામ કહા સબુ કૌસિક પાહીં। સરલ સુભાઉ છુઅત છલ નાહીં ॥
સુમન પાઇ મુનિ પૂજા કીન્હી। પુનિ અસીસ દુહુ ભાઇન્હ દીન્હી ॥
સુફલ મનોરથ હોહુઁ તુમ્હારે। રામુ લખનુ સુનિ ભએ સુખારે ॥
કરિ ભોજનુ મુનિબર બિગ્યાની। લગે કહન કછુ કથા પુરાની ॥
બિગત દિવસુ ગુરુ આયસુ પાઈ। સંધ્યા કરન ચલે દોઉ ભાઈ ॥
પ્રાચી દિસિ સસિ ઉયઉ સુહાવા। સિય મુખ સરિસ દેખિ સુખુ પાવા ॥
બહુરિ બિચારુ કીન્હ મન માહીં। સીય બદન સમ હિમકર નાહીં ॥
દો. જનમુ સિંધુ પુનિ બંધુ બિષુ દિન મલીન સકલંક।
સિય મુખ સમતા પાવ કિમિ ચંદુ બાપુરો રંક ॥ ૨૩૭ ॥

ઘટઇ બઢ़ઇ બિરહનિ દુખદાઈ। ગ્રસઇ રાહુ નિજ સંધિહિં પાઈ ॥
કોક સિકપ્રદ પંકજ દ્રોહી। અવગુન બહુત ચંદ્રમા તોહી ॥
બૈદેહી મુખ પટતર દીન્હે। હોઇ દોષ બડ़ અનુચિત કીન્હે ॥
સિય મુખ છબિ બિધુ બ્યાજ બખાની। ગુરુ પહિં ચલે નિસા બડ़િ જાની ॥
કરિ મુનિ ચરન સરોજ પ્રનામા। આયસુ પાઇ કીન્હ બિશ્રામા ॥
બિગત નિસા રઘુનાયક જાગે। બંધુ બિલોકિ કહન અસ લાગે ॥
ઉદઉ અરુન અવલોકહુ તાતા। પંકજ કોક લોક સુખદાતા ॥
બોલે લખનુ જોરિ જુગ પાની। પ્રભુ પ્રભાઉ સૂચક મૃદુ બાની ॥
દો. અરુનોદયઁ સકુચે કુમુદ ઉડગન જોતિ મલીન।
જિમિ તુમ્હાર આગમન સુનિ ભએ નૃપતિ બલહીન ॥ ૨૩૮ ॥

નૃપ સબ નખત કરહિં ઉજિઆરી। ટારિ ન સકહિં ચાપ તમ ભારી ॥
કમલ કોક મધુકર ખગ નાના। હરષે સકલ નિસા અવસાના ॥
ઐસેહિં પ્રભુ સબ ભગત તુમ્હારે। હોઇહહિં ટૂટેં ધનુષ સુખારે ॥