પૃષ્ઠ:Ramcharit Manas in Gujarati.pdf/૯૯

૯૯

૯૯

શ્રી રામ ચરિત માનસ

---

રામુ ચહહિં સંકર ધનુ તોરા। હોહુ સજગ સુનિ આયસુ મોરા ॥
ચાપ સપીપ રામુ જબ આએ। નર નારિન્હ સુર સુકૃત મનાએ ॥
સબ કર સંસઉ અરુ અગ્યાનૂ। મંદ મહીપન્હ કર અભિમાનૂ ॥
ભૃગુપતિ કેરિ ગરબ ગરુઆઈ। સુર મુનિબરન્હ કેરિ કદરાઈ ॥
સિય કર સોચુ જનક પછિતાવા। રાનિન્હ કર દારુન દુખ દાવા ॥
સંભુચાપ બડ બોહિતુ પાઈ। ચઢે જાઇ સબ સંગુ બનાઈ ॥
રામ બાહુબલ સિંધુ અપારૂ। ચહત પારુ નહિ કોઉ કડ़હારૂ ॥
દો. રામ બિલોકે લોગ સબ ચિત્ર લિખે સે દેખિ।
ચિતઈ સીય કૃપાયતન જાની બિકલ બિસેષિ ॥ ૨૬૦ ॥

દેખી બિપુલ બિકલ બૈદેહી। નિમિષ બિહાત કલપ સમ તેહી ॥
તૃષિત બારિ બિનુ જો તનુ ત્યાગા। મુએઁ કરઇ કા સુધા તડ़ાગા ॥
કા બરષા સબ કૃષી સુખાનેં। સમય ચુકેં પુનિ કા પછિતાનેં ॥
અસ જિયઁ જાનિ જાનકી દેખી। પ્રભુ પુલકે લખિ પ્રીતિ બિસેષી ॥
ગુરહિ પ્રનામુ મનહિ મન કીન્હા। અતિ લાઘવઁ ઉઠાઇ ધનુ લીન્હા ॥
દમકેઉ દામિનિ જિમિ જબ લયઊ। પુનિ નભ ધનુ મંડલ સમ ભયઊ ॥
લેત ચઢ़ાવત ખૈંચત ગાઢ़ેં। કાહુઁ ન લખા દેખ સબુ ઠાઢ़ેં ॥
તેહિ છન રામ મધ્ય ધનુ તોરા। ભરે ભુવન ધુનિ ઘોર કઠોરા ॥
છં . ભરે ભુવન ઘોર કઠોર રવ રબિ બાજિ તજિ મારગુ ચલે।
ચિક્કરહિં દિગ્ગજ ડોલ મહિ અહિ કોલ કૂરુમ કલમલે ॥
સુર અસુર મુનિ કર કાન દીન્હેં સકલ બિકલ બિચારહીં।
કોદંડ ખંડેઉ રામ તુલસી જયતિ બચન ઉચારહી ॥
સો. સંકર ચાપુ જહાજુ સાગરુ રઘુબર બાહુબલુ।
બૂડ़ સો સકલ સમાજુ ચઢ़ા જો પ્રથમહિં મોહ બસ ॥ ૨૬૧ ॥

પ્રભુ દોઉ ચાપખંડ મહિ ડારે। દેખિ લોગ સબ ભએ સુખારે ॥

કોસિકરુપ પયોનિધિ પાવન। પ્રેમ બારિ અવગાહુ સુહાવન ॥
રામરૂપ રાકેસુ નિહારી। બઢ़ત બીચિ પુલકાવલિ ભારી ॥
બાજે નભ ગહગહે નિસાના। દેવબધૂ નાચહિં કરિ ગાના ॥
બ્રહ્માદિક સુર સિદ્ધ મુનીસા। પ્રભુહિ પ્રસંસહિ દેહિં અસીસા ॥
બરિસહિં સુમન રંગ બહુ માલા। ગાવહિં કિંનર ગીત રસાલા ॥
રહી ભુવન ભરિ જય જય બાની। ધનુષભંગ ધુનિ જાત ન જાની ॥