આ પાનાનું પ્રુફરીડિંગ થઈ ગયું છે
<poem>
સખીએાને
(જે કોઈ અંબિકાજી માતને આરાધશે રે લોલ : એ ઢાળ)
સખિ ! આવોને આજ મારે અાંગણે રે લોલ, હું તો પૂજીશ પ્રેમભરી પાંપણે રે લોલ.
સખિ ! આવો તો રાસરંગ ખેલશું રે લોલ, સૂના ઉરમાં સોહાગ કૈંક સિંચશું રે લોલ.
સૂના મંદિરને ગાનથી ગજાવશું રે લોલ, સૂના જગમાં આનંદ ઉછળાવશું રે લોલ.
શીળી ચંદાનાં શીત ઝરણ ઝીલશું રે લોલ, એના અમૃતથી ન્હાઈશું–ન્હવાડશું રે લોલ.
તપ્યા તરણિનો તાપ બધો ઢોળશું રે લોલ, રૂડાં રજની–રાણીનાં હૃદય રંગશું રે લોલ.