આ પાનાનું પ્રુફરીડિંગ થઈ ગયું છે
એવું સુણવા હું લેશ નથી ઊભતી રે લોલ;
થાકી કયારેય નથી થંભતી રે લે લોલ;
જશે થાકી તે સેવકો શરીરના રે લોલ,
એવાં તે રોદણાં અધીરનાં રે લોલ.
પણે ઊભો પ્રાણેશ રહ્યો રાજતો રે લોલ,
ઘેરાં શાં ગાન વડે ગાજતો રે લોલ;
આવે સામો અચૂક અલબેલડો રે લોલ,
વહાલો જણાય વહાલઘેલડો રે લેાલ.
હું તો થંભી લગીર ગઈ લાજથી રે લોલ,
વહાલે વધાવી મને વહાલથી રે લોલ;
પડ્યા હૈયે પ્રકાશ હેત–હાસના રે લોલ,
એવા આનન્દ રૂડા રાસના રે લોલ.
(બીલી બીલીનો રંગ લાગે રૂડો હો ! રાધિકા રંગભીની
-એ ઢાળ. )
ભર્યાં નીરે સરોવર નહાતી રે, પોયણી પ્રેમભીની,
એના હૈયામાં હીંચકા ખાતી રે, પોયણી પ્રેમભીની;
એની શીળી શી લહેર કૈંક લેતી રે, પોયણી પ્રેમભીની,
એના ભુવને સુગન્ધ ભરી દેતી રે, પોયણી પ્રેમભીની.
રવિસંગે રહે તોય રાચી રે, પોયણી પ્રેમભીની,
એને નિરખીને નેણ-નેણ નાચી રે, પોયણું પ્રેમભીની;