પૃષ્ઠ:Raschandrika Part 1 and 2.pdf/૧૦૨

૮૮

રાસચંદ્રિકા

 

---

લજામણીની વેલી

♦ વહાલા લાગો છો વિશ્વઆધાર રે, સગપણ તમ સાથે . ♦

હું તો નમણી લજામણીની વેલી રે, હાથ કોઈ અડશો મા !
મારું હૈયું આ પળમાં ભિડાય : હાથ કોઈ અડશો મા !
કૂંળી કૂંળી આ પાંખડી છે મારી રે, હાથ કોઈ અડશો મા !
જરી અડતામાં ઝૂમી એ જાય : હાથ કોઈ અડશો મા ! ૧

હું તો આકાશી વીજળીની વેલી રે, હાથ કોઈ અડશો મા !
રહું સંતાઈ વાદળીને વાસ : હાથ કોઈ અડશો મા !
મારી આંખડી બિડાય નહીં બીડી રે, હાથ કોઈ અડશો મા !
સહેજે જોતામાં ઝબકું ચોપાસ; હાથ કોઈ અડશો મા ! ૨

હું તો અલબેલી પ્રાચીની વેલી રે, હાથ કોઈ અડશો મા !
ઉષા લજ્જાતી જોતી દિગંત; હાથ કોઈ અડશો મા !
લાલ ગુલો હું વેરતી વ્યોમે રે, હાથ કોઈ અડશો મા !
કિરણ અડતામાં તૂટે ઉરતંત હાથ કોઈ અડશો મા ! ૩