આ પાનાનું પ્રુફરીડિંગ થઈ ગયું છે
પર્વોત્સવ
૧૦૯
સખી ! કંકુ મહીં મૂકજો સૌભાગ્યનાં રે,
સખી ! શ્રીફળ સુહાવજો સુહાગનાં રે ! ૭
સખી ! વેરજો સત્કત્મતણાં ફૂલડાં રે,
સખી ! વધાવો મોતીડાં અણમૂલડાં રે ! ૮
સખી ! વહાલરાગી ગાજો પ્રભુગીતડાં રે !
સખી !આનંદે ઝુલાવો સહુ ચીતડાં રે ! ૯
સખી ! ચાલો નવરાજને વધાવીએ રે !
સખી !કૂળાં એનાં પદ પધરાવીએ રે ! ૧૦
સખી ! હાસ્ય તેજ દીપે એને મુખડે રે,
સખી ! હાક એની વાગે દૂર ઢૂંકડે રે. ૧૧
સખી ! તેજાઆંજી ઊંડી એની આંખડી રે,
સખી ! પ્રેમકૂંળી પ્રિય એની પાંખડી રે. ૧૨
સખી ! મીઠી મીઠી વાય એની મોરલી રે,
સખી ! પુણ્યપોથી હજી એની કોરલી રે. ૧૩
સખી ! આશરંગી પદ એનાં પૂજીએ રે,
સખી ! ભાવિતણાં ગીત ભાવે ગુંજીએ રે. ૧૪
સખી ! તાપ સહુ આપણા એ કાપશે રે,
સખી ! અમીશીળી છાયા રૂડી આપશે રે. ૧૫
