આ પાનાનું પ્રુફરીડિંગ થઈ ગયું છે
ગોપકુંજ
૧૫૩
વહાલમની વાંસળી
♦ કામણ દીસે છે અલબેલા તારી આંખમાં રે . ♦
તારી થાઉં રે વાંસળિયાં ક્યારે વહાલમા રે?
એ મુજ ખ્યાલમાં રે:
તારી થાઉં રે—
વનવનનો રસ ભરતી ઝીલું,
અંગ બને રંગે રંગીલું;
સ્વર ઝીલુઇં તુજ ચપલા અંગુલિચાલમાં રે:
એ મુજ ખ્યાલમાં રે. ૧
વનતરુનું જીવન ધન ઝાંખું
સપ્તમુખે અમૃત તુજ ચાખું;
શ્વાસેશ્વાસ ભરી રાખું ચિરકાલમાં રે
એ મુજ ખ્યાલમાં રે. ૨
તરવરતા નભકાંઠે તારે,
સરવરતીરે હંસપુકારા;
ઝૂલું મારા વહાલમની કરમાલમાં રે:
એ મુજ ખ્યાલમાં રે. ૩