આ પાનાનું પ્રુફરીડિંગ થઈ ગયું છે
પ્રણયરંગ
૧૭૩
પ્રાણનાં લહેણાં
♦ અમરવાડીમાં ડંકો વાગે છે . ♦
કોઈ લટકે ને મટકે આવે છે,
મારા પ્રાણનાં લહેણાં લાવે છે:
કોઈ લટકે ને મટકે આવે છે. ૧
મારું આપ્યું તો એણે છે રાખ્યું,
મારાભાગ્યનું જોણું છે ઝાંખ્યું :
કોઈ લટકે ને મટકે આવે છે. ૨
મારો આત્મા વિલાયો ને તરસ્યો,
મારું તન શોધ્યું ને ઘન વરસ્યો:
કોઈ લટકે ને મટકે આવે છે. ૩
મારાં લીધાં છે હીરા ને મોતી,
ભરી તેમાં છે અણમૂલ કો જ્યોતિ:
કોઈ લટકે ને મટકે આવે છે. ૪
