આ પાનાનું પ્રુફરીડિંગ થઈ ગયું છે
દાંપત્ય
૧૯૩
આંસુ ઉભરાય મારે અંતરે રે લોલ,
વહાલા વિના તે ઝીલે કોણ જો?
વહાલા ! પધારો મારે મંદિરે રે લોલ !
કુસુમકલી વેરાય ઉરની રે લોલ,
વહાલા વિના રે ઝીલે કોણ જો?
વહાલા ! પધારો મારે મંદિરે રે લોલ ! ૩
મંદિરે ચઢાવો અમરફૂલડાં રે લોલ,
ઉરમાં ભરીશ હું સુવાસ જો;
વહાલા ! પધારો મારે મંદિરે રે લોલ !
આવો, ભૂલીને જગતવાડી રે લોલ,
હસિયે તે સ્નેહતણું હાસ જો!
વહાલા ! પધારો મારે મંદિરે રે લોલ ! ૪
