આ પાનાનું પ્રુફરીડિંગ થઈ ગયું છે
પૂજન
૧૯
ઊંડા ઘોર અરણ્ય વિષે કે સુંદર ઉપવનમાંય :
દેશવિદેશ અહોનિશ અંતર એક જ તારી છાંય !
અમારી ગુણવંતી ગુજરાત ! ૪
સર સરિતા રસભર અમીઝરણાં, રત્નાકર ભરપૂર :
પુણ્યભૂમિ ફળફૂલ ઝઝૂમી, માત ! રમે અમ ઉર !
અમારી ગુણવંતી ગુજરાત ! ૫
હિન્દુ, મુસલમિન,પારસી, સર્વે માત ! અમે તુજ બાળ :
અંગ ઉમંગ ભરી નવરંગે, કરિયે સેવા સહુ કાળ !
અમારી ગુણવંતી ગુજરાત ! ૬
ઉર પ્રભાત સમાં અજવાળી ટાળી દે અંધાર !
એકસ્વરે સહુ ગગન ગજવતો કરિયે જયજયકાર !
અમારી ગુણવંતી ગુજરાત !
નમિયે નમિયે માત ! અમારી ગુણવંતી ગુજરાત ! ૭