આ પાનાનું પ્રુફરીડિંગ થઈ ગયું છે
૨૦
રાસચંદ્રિકા
રળિયામણી ગુજરાત
♦ પૂનમ ચાંદની ખીલી પૂરી અહીં રે. ♦
સુરકન્યા જેવી મારી ગુજરાત સોહામણી રે ,
ઢળકે અઢળક એની લક્ષ્મીના અંબાર :
આવો, ઝીલવા સૌ એ ગુજરાતે રળિયામણી રે !
કોકિલકંઠી કુંજે ઝૂલે એ કોડામણી રે :
નીલમનીલી એની ઝાલરના ઝબકાર :
આવો, ઝીલવા સૌ એ ગુજરાતે રળિયામણી રે !
હરિયાળી મનને હરે, વનવન ખોલે પ્રાણ :
ફૂલફૂલના ઉલ્લાસમાં લળકે જગકલ્યાણ :
વીંટે લોલવિલોલ લતા તરુને લોભામણી રે ,
એવી વીંટી ર્હે ભારતઉર એ નિરધાર :
આવો, ઝીલવા સૌ એ ગુજરાતે રળિયામણી રે ! ૧