આ પાનાનું પ્રુફરીડિંગ થઈ ગયું છે
પૃથ્વીકુંજ
૭૯
અમૃતપુરીની દેવીઓ
♦ ગરબે રમવાને ગોરી નીસર્યાં રે લોલ . ♦
અમૃતપુરીથી અમે આવિયાં રે લોલ,
માનવપુરીની અમ વાટ :
કાંઈ લાવિયાં રે લોલ;
અમૃતપુરીથી અમે આવિયાં રે લોલ.
અમીથી આંજેલ અમ આંખડી રે લોલ,
હાથમાં છે રાખી રક્ષા માટ
રૂડી રાખડી રે લોલ :
અમૃતપુરીથી અમે આવિયાં રે લોલ. ૧
માનવપુરીના ઝાંખા દીવડા રે લોલ,
ભમી તોય બળે ત્યાં પતંગ,
રંક જીવડાં રે લોલ;
અમૃતપુરીથી અમે આવિયાં રે લોલ;
ઝગમગે પ્રચંડ દીપ આંગણે રે લોલ,
તોય રહે અખંડ અમ પ્રસંગ,
ભંગના ગણે રે લોલ;
અમૃતપુરીથી અમે આવિયાં રે લોલ. ૨
