આ પાનાનું પ્રુફરીડિંગ થઈ ગયું છે
અંજલિ ગીતો
૧૨૧
નહીં મસ્તી, નહીં ક્ષોભ, ન ઉરઘમસાણ કૈં,
લાડીલી મીઠી તુજ ઉન્નત વાણ જો ;
સત્ય સનાતન યુજ હોઠે ફરી કંઇ સર્યાં,
જગવ્યા જનમાં દેવજીવનના પ્રાણ જો !
ગુર્જરીના કવિકોકિલ નાનાલાલ હો ! ૪
ક્ષણિક કળાનાં ને કુદરતનાં બંડ હા,
અવિરત છે વિશ્વે તો ક્રમ સંવાદ જો :
આજે તુજ ગુણ ગાય બધી ગુજરાત આ,
તુજ નિર્મલ કલરવમાં લે આહ્લાદ જો.
ગુર્જરીના કવિકોકિલ નાનાલાલ હો ! ૫
આજ વસંતે મૉરી અમ રસવાટિકા,
અમર ખીલો ત્યાં તુજ ફૂલોના ફાલ જો !
દેવદીધું તુજ નૂર, જગત શું દઇ શકે ?
વીરા ! અમ ઉરની તો વંદનમાળ જો !
ગુર્જરીના કવિકોકિલ નાનાલાલ હો ! ૬