આ પાનાનું પ્રુફરીડિંગ થઈ ગયું છે
૧૨૮
રાષ્ટ્રિકા
સિંહવીર
• રાગ માઢ - "અમે જોગીઓનાં બાળ" •
અમે સિંહણનાં સંતાન :
સિંહ અમારા ક્ષત્રીપિતા ને
ગર્જન છે અમ ગાન :
અમે સિંહણનાં સંતાન ! -
ત્રાડ અમારી તોડે ગગનને,
ફોડે દિશાના કોટ;
તારક રજનિમાં જાય સંતાઈ,
સાગર પામે ઓટ :
ચોટ અમારી ચંદ્રને :
અમે સિંહણનાં સંતાન. ૧
ધ્રૂજે ગીરના ડુંગરા ને
ધૂજે વનવન વૃક્ષ;
ફૂટે ગઢના કાંગરા ને
તૂટે પંખીની પક્ષ :
લક્ષ અમારું ગર્જને :
અમે સિંહણનાં સંતાન ૨