આ પાનાનું પ્રુફરીડિંગ થઈ ગયું છે
અંજલિ ગીતો
૧૨૯
ગગને ગરજે મેહુલો, એવો
વનવનનો વનરાજ;
ઊડે ન આભનાં ડાબલાં તો
એ ગર્જન શા કાજ ?
લાજ અમારી લખવસા :
અમે સિંહણનાં સંતાન. ૩
ઊઘડે નયન આકાશનું ત્યાં
આંજે જગતની આંખ;
ખોલે ત્રિલોચન રુદ્ર ત્યારે
પ્રજળે વિશ્વની પાંખ :
ખાખ બને ભડભડ બળી :
અમે સિંહણનાં સંતાન. ૪
બાળે નહીં તે તેજ કેવાં ?
વીંધે ન તે શા બોલ ?
ત્રાડ ન તૂટે આકાશ, તેવા
કાયરના શા કોલ ?
મોલ અમારાં મૂલવિયે :
અમે સિંહણનાં સંતાન. ૫